Ataatsimut isumaqatigiissutinik nassuiaaneq tassaavoq isumaqatigiissuteqarnermi isumaqatigiissummi illuatungeriit suut isumaqatigiissutigisimasaannik paasiniaaneq. Tamanna pillugu ilisimatitsisoqarsinnaanngippat isumaqatigiissutip oqaasertai nalinginnaasumik aalajangiisuusarput. Oqaasertaliussaq ersernerluppat oqaasertaliussaq eqqortumik nassuiarneqassaaq, pingaartumik malittarisassamut pingaarnerusumut ilaanngitsut pineqartillugit.

Aalajangersakkap aalajangersimasup nassuiaataa sumiiffimmi isumaqatigiinngissutigineqarpat apeqqut ASA-mut saqqummiunneqartariaqarpoq, isumaqatigiinniarnermi illuatungeriit sutigut isumaqatigiissimanerannik ilisimasaqartuusumut.

Aqutsinermi inatsit malillugu sulisitsisoq tassaavoq siulliulluni nassuiaasussaq. Tassa sulisitsisup nassuiaanera ataqqineqassaaq suliatigut eqqartuussivimmi suliarineratigut taassuma eqqortunngitsuuneranik uppernarsarneqarnissaata tungaanut.

Namminersorlutik Oqartussani immikkoortortanik kiffartuussineq

Suliassat tassaapput:

• Akissarsianut sulisunullu tunngasunik namminersorlutik oqartussat immikkoortortaannik suliatigut siunnersuineq.
• Atorfinitsitaanernut, tapinut il. il. sulianut tunngatillugu isumaqatigiinniarnerit siunnersuisarnerillu.
• Sulisutigut aqutsinermut tunngasunik siunnersuineq.
• Sulianik aalajangersimasumik aaqqiinermut atatillugu namminersorlutik oqartussat immikkoortortaanni pisortanut sullissisunullu inatsisitigut siunnersuineq, tassunga ilanngullugit pisortat ingerlatsineranni suliassat suliarineqartarnerat pillugu inatsimmik, pisortat ingerlatsinerat pillugu paasitinneqarsinnaatitaaneq pillugu inatsimmik, immikkut inatsisinik nalunaarutinillu assigiinngitsunik nassuiaaneq.
  
  

Kommuninik kiffartuussineq

Suliassat tassaapput:

• Akissarsianut sulisunullu tunngasunik kommuninik suliatigut siunnersuineq.
• Atorfinitsitaanernut, tapinut il. il. sulianut tunngatillugu isumaqatigiinniarnerit siunnersuisarnerillu.
• Sulisunik aqutsinermut tunngatillugu siunnersuineq.
• Sulianik aalajangersimasumik aaqqiinermut atatillugu komunini pisortanut sulianillu suliarinnittunik inatsisitigut siunnersuineq, tassunga ilanngullugit sulianik suliarinninnermi inatsimmik, pisortat ingerlatsinerat pillugu paasitinneqarsinnaatitaaneq pillugu inatsimmik, immikkut inatsisinik nalunaarutinillu assigiinngitsunik nassuiaaneq.