Pequtit nutserneri

Pequtit nutserneri sunaava?

Pequtit nutserneri tassaavoq inuup ilaqutaqarpallu ilaqutaasa pequtaannut sumiiffimmiit sumiiffimmut allamut sassartorneqarneri. Pequtit nutserneri amerlanertigut atorfeqartumut taasumalu ilaqutaanut atorfininnermut imaluunniit soraarnermut atatillugu angalanermut atasarpoq.

Nalinginnaasumik pequtit tassaapput illup iluani pequtit atortullu inissiamiittussiat. Ima paasillugu illup iluani Pequtit il.il illoqutigiit uumasuutaat Pequtit nutsernerinut ilaanngillat.

Nutsernissaq pillugu inniminniinerit qaninnerusumik atuarneqarnissaat Usisaat aqqutigalugu pisinnaavoq uani.

Malittarisassanut tunngavissat.

Malittarisassanut tunngavissat aallaqqaataani tjenestemandinut isumaqatigiissutiniipput.  Isumaqatigiissutini amerlanerni tjenestemandit isumaqatigiissutaat isumaqatigiinniarnerni isumaqatigiissutit tunngavigalugit atorfininnermut atatillugu atuuttussanngorlugu aaqqinnikuuaat.  Isumaqatigiissutit tunngavigalugit atorninittunut tamanut innersuussutigineqartarpoq isumaqatigiissutit atuaqqullugit, isumaqatigiissutit assigiinngissinnaasarmata.

Maleruagassatut tunngavioqqaartoq tjenestemandinut isumaqatigiissutini marlunniippoq.

• Nutsernermi ajunngitsorsiassat pillugit Namminersornerullutik Oqartussani kommuninilu tjenestemandit pillugit inatsisartut inatsisaanni nr. 5, 14. maj 1990-imeersumi § 49, imm. 1 naapertorlugu Naalakkersuisut aamma NAK-p akornanni isumaqatigiissut 20. april 1998-imeersoq
• Akiliunneqarluni angalanerit pillugit Namminersornerullutik Oqartussani kommuninilu tjenestemandit pillugit inatsisartut inatsisaanni nr. 5, 14. maj 1990-imeersumi § 49, imm. 1 naapertorlugu Naalakkersuisut aamma NAK-p akornanni isumaqatigiissut 20. april 1998-imeersoq

Nuunnermi angalanermi kiisalu pequtit angallannerannut akiliunneqarneq

Atorfininnermut atatillugu angalanermik pequtillu nuunneqarnerannut akiliunneqarnissamut tunngaviatigut aalajangiisuusartoq tassaavoq atorfiup saqqummiunneqarnerani inuttassarsiuinerup imarisaa.

Atorfimmut atatillugu inissiamik tunineqarnissaq pillugu malittarisassat uani atuarneqarsinnaapput.uani.

Nuunnermi angalanermi kiisalu pequtit angallannerannut akiliunneqarneq

Suliunnaarnermut atatillugu angalaneq kiisalu Pequtit nutserneqarnerat tunngaviatigut suliunnaartup sulileqqaarami nunagisaanut angalanermi akiliussineruvoq.

Sulisitsisup sulisup kissaateqarneratigut suliunnaarnermut atatillugu angerlarsimaffiginngisamut angalaneq akuerisinnaavaa, tamanna atorfininnermut atatillugu aningaasartuutinit qaffasinnersumik aningaasartuutaassanngippat.

Taakkua malitsigaat Pequtit nuunneqarnissaanut isumaqatigiissut ,tunngaviatigut sulisup suliunnaarnerani pequtit nuunneqarsinnaapput ima pisoqarpat; 

• Minnerpaamik ukiut pingasut qaangiussimassapput sulisup pequtaasa nuunneqarnerinut akiliussisimaneq (OBS! isumaqatigiissutini allatut allassimasoqanngippat.)
  • Pequtit nuunneqarnissaanut katersat pisortat suliffeqarfiini allamik atorfittaarnermi pigiinnarneqartarpoq (Namminersorlutik Oqartussat kommunillu akornanni).
• Sulisoq toqukkut qimagutsillugu uiusup/nuliaasup - taamaalilluni naligisatut isigineqartussap - toqusoqarneranut atatillugu allamut nuunnermi pequtit nuunneqarsinnaaneranut katersat pigiinnassavai.

Aningaasaqarnermut sulisoqarnermullu Aqutsisoqarfimmit erseqqissaatigineqassaaq isumaqatigiissutit assigiinngitsut aamma tjenestemandip isumaqatigiissutaanni oqaasertalersuineq assigiinngitsuusinnaammat.

Suliunnaarnermut atatillugu pequtit nuunneqarnissaanut piumasaqaataavoq, pisinnaatitaaffimmut katersisimanissaq, aammalu suliffimmi atorfininnermut atatillugu taanna tunniunneqarsimassaaq.   Sulisitsisup paasissutissat pingaarutillit piginngippagit sulisup nammineerluni uppernarsartussaavaa, atorfininnermut atatillugu angalasimalluni pequtit nuunneqarsimaneranut akiliunneqarsimalluni.

Atorfininnermut atatillugu angalaneq pequtillu nuunneqarnerat atunngitsuugaq taarsiissutaasinnaanngilaq  Akiliunneqarluni angalasinnaatitaaneq pequtinillu nuussineq inuup pineqartup kisimi atorsinnaavaa allamullu tunniunneqarsinnaanani. Pequtit nuunneqarneranut aningaasartuutit ilunaarniutigineqarsinnaanngillat.

Sulisup angalanermi  pequtillu nuunneqarnerani akiliunneqarnissaq pisinnaatitaaffigiunnaassavaa, tamanna suliffimmit soraarnermut atatillugu atorsimanngikkuniuk. Tamanna atuuppoq kingullermik akissarsiffimmiit atorfiullu qimanneraniit sapaatip akunnerini arfinilinni. 

Aammattaaq sulisup pisinnaatitaaffik annaassavaa, pisortani  atorfininnermiit sulineq unitsinneqarsimappat.   Ima paasillugu; sulisoq namminersortuni sulilersimappat imaluunniit allamik suliffissarsinani suliffimmit soraarsimappat.