Pisortat allaffeqarfiini nalliuttorsiornernut atatillugu suleriusissatut ilitsersuut 

Namminersorlutik Oqartussat qitiusumik allaffeqarfianni taassumalu ataani allaffeqarfinni sulisut, taamatullu Kalaallit Nunaanni kommunini sulisut, pisortani sulisimanermut atatillugu ukiuni 25-ni, 40-ni aamma 50-ini sulinermi nalliuttorsiornermi ajunngitsorsiassanik pissarsiaqarsinnaapput.    

Kalaallit Nunaanni kommunit:

Kommunini sulisunut tunngatillugu, kommunip pineqartup nammineerluni suliaq isumagissavaa.

Namminersorlutik Oqartussani sulisut:

Atorfeqarfigisami akisussaasutut pisortaasoq Aningaasaqarnermut Sulisoqarnermullu Aqutsisoqarfimmut (ASA-mut) saaffiginnissaaq, sulisup pisortani ukiuni qassini sulisimanerata naatsorsorneqarnissaa anguniarlugu.  Mail personale@nanoq.gl-mut nassiunneqassaaq

Paasissutissat uku ilanngunneqassapput:

• Ateq
• Ulloq Inuuik
• Ulloq nalliuttorsiorfik
• Pisortani sulisimanermut uppernarsaatit
• Suliffiup sumiissuserlugu sumiiffia

Qanoq sivisutigisumik sulisimaneq naatsorsorneqareerpat sulisunut immikkoortortaqarfik ASA-mi pisortaaqatigiit allatseqarfianut nalunaassaaq, nalliuttorsiornermut nersornaammik sanasoqarnissaa pillugu, e-mail asa@nanoq.gl atorlugu 

Tamanna pereerpat, diplomi Naalakkersuisut Siulittaasuannut atsiugassanngorlugu nassiunneqassaaq.

Atsiugaq tiguneqarpat, nersornaat allakkanik paasissutissartalinnik ilallugu nalliuttorsiortup pisortaanut nassiunneqassaaq.  Allakkat aamma nersornaatip assilinera sulisup paasissutissartaanut toqqorneqassaaq.

Ajunngitsorsiassat tunniunneqarnerat

Immikkoortortaqarfiit ataasiakkaat ajunngitsorsiassat ullorsiortumut tunniutissavaat, tamannalu akissarsialeriffimmut saaffiginninnikkut imaluunniit Iris atorlugu pissaaq.  Diplomip nassiunneqarnerani ajunngitsorsiassanut akigititat ASA-mit nalunaarutigineqassapput.