navigation

Namminersorlutik Oqartussani aqutsisutut sulilerlaanik pikkorissartitsineq

Namminersorlutik Oqartussani aqutsisuunerup suut malitsigisarnerai aamma taakkunani pitsaasumik aqutsisuunerup suut ilisarnaatiginerai peqataasunut ilisimatitsissutigineqarnissaat - ilisimasaqarfigineqalernissaallu - pikkorissartitsinermi anguniagaavoq.

Pitsaasumik aqutsineq immikkoortortaqarfimmut ingerlalluartumut, atugarissaarnermut sulisullu ineriartornerannut aamma sulisunik tigumminninnerulernissamut sulilerumaartussanillu kajungilersitsinissamut periarfissanut tunngaviuvoq. Pitsaasumik aqutsinissap piviusunngortitsinissamut aalajangiisuuvutit.

Aqutsisutut sulilerlaanut pikkorissartitsineq aamma kingusinnerusukkut sammisassatut sunik / suut ineriartorteqqissallugit kissaateqarnersutit, assersuutigalugu aqutsisunut pikkorissarnissanut allanut peqataanikkut, pillugit isummersorneqarnissannik aamma siunertaqarpoq.

Paasissutissat pisariallit

Aallartiffissap ullua

20 Septembari 2022

Naammassiffissap ullua

20 Septembari 2022

Ullut pikkorissarfiit:

1

Nalunaarfissaq kingulleq:

12 Septembari 2022

Peqataasussat amerlanerpaaffissaat:

14

Pikkorissaaffiup sumiiffia:

Kompetencehuset (overetage)

Sumiiffik:

H.J. Rinksvej 45

3900

Nuuk

Sermersooq Kommune

Grønland

Pikkorissaanerup imarisaa

Pikkorissarnermi tamatumani suliassaqarfiit aqutsisunut attuumassuteqartut aamma Namminersorlutik Oqartussani attaveqalernissamut periarfissat pillugit paasissutissinneqassaatit. Tamatuma saniatigut saqqummiisunut apeqquteqartoqarsinnaallunilu pikkorissartunik allanik ilisimasanik avitseqateqartoqarsinnaavoq.

Pikkorissarnerup imai:

  • Pitsaasumik aqutsineq - tamatumalu malitsigisai
  • Sulisut ineriartortinneqarnissaat pillugit oqaloqatigiinnerit
  • Namminersorlutik Oqartussat aaqqissuussaanerat aqutsisutullu atuuffiit
  • WEBTAS-imik akuersissuteqariaatsinillu ilisarititsinerit
  • Mit Perspektiv – sumut atorneqarsinnaava?
  • Aqutsisut pillugit inatsisit - pissutsit aqutsisunut tunngasut immikkut qitiutillugit.

Ilitsersuisoq

HR Udvikling, Formandens Departement

Siulittaasoqarfimmi

Sullinniakkat

  • Aqutsisunngorlaat sulisunik akisussaaffillit - aqutsisullu eqqaaseqqinneqaqqittussat

Aaqqissuisoq

HR Udvikling

Formandens Departement, Grønlands Selvstyre

34 58 28

kursus@nanoq.gl

Paasissutissat pisariallit

Aallartiffissap ullua

20 Septembari 2022

Naammassiffissap ullua

20 Septembari 2022

Ullut pikkorissarfiit:

1

Nalunaarfissaq kingulleq:

12 Septembari 2022

Peqataasussat amerlanerpaaffissaat:

14

Pikkorissaaffiup sumiiffia:

Kompetencehuset (overetage)

Sumiiffik:

H.J. Rinksvej 45

3900

Nuuk

Sermersooq Kommune

Grønland

Namminersorlutik Oqartussani aqutsisutut sulilerlaanik pikkorissartitsineq

  • Oqaatsit: Dansk
  • Sivisussusaa: 1 Ullut
  • Nuuk
  • 09:00 - 16:00

Terms & Conditions

 

Peqataanermut akiliut


Nerisaqartitsineq, pikkorissarnermi ini atorneqartoq pikkorissaasorlu peqataanermut akiliutinit matussuserneqassapput. Timmisartumik angalanerit ullormusiallu FOKU-mit MATUSSUSERNEQASSANNGILLAT. Pikkorissarnerup naammassinerani GLN normu aqqutigalugu peqataanermut akileeqqusisoqassaaq.


Taamaatitsineq/peqataasussakippallaarnera pissutigalugu nuutsitsineq


Pikkorissariartussani timmisartukkut bilitsimik unnuisarfimmilu unnuinissamut inniminniisoqarsimappat ajornanngippat pikkorissartitsinissat tamarmik ingerlanneqassapput. FOKU imminut pisinnaatippoq pisariaqarpat pikkorissarnermik nuutsitsinissamut taamaatitsinissamulluunniit.


Napparsimaneq immikkorluinnarlu pisoqarnera pissutigalugit taamaatitsineq


Napparsimaneq, sila kiisalu immikkorluinnaq pisoqartarnera FOKU-mit aqunneqarsinnaanngillat aammalu taamaatiinnartut FOKU-mit akisussaaffigineqarsinnaanngillat.


Nerisaqartitsineq


Pikkorissarluni nerisaqarnermi tamatigut ullup-qeqqasiorneq, ualikkut kaagisorneq, kaffisorneq (ulloq naallugu) ilaapput. Pikkorissarnermi ullaakkorsiorneq ilaanngilaq, taamaattorli tamussigassanik sassaallertoqakkajussaaq.


Taamaatitsilluni nalunaaruteqarneq


PIkkorissarnissanik taamaatitsinissamik piffissaliussaq tassaavoq pikkorissarnissat ataasiakkaat pillugit nittartakkami paasissutissiissutigineqartoq. Nalunaarnermi piffissaliussap pinnginnerani taamaatitsiinnarneq nalunaarutigineqarpat atuisutut akiliutissamik akileeqqusisoqassanngilaq.

Taamaatitsiinnarneq nalunaarnissamut piffissaliussap qaangiunnerani pippat (imaluunniit takkutinngitsoorneq imaluunniit ilaatigut takkutinngitsoortarneq pineqarpat), takkutinngitsoornermut pissutaasoq apeqqutaatinnagu pikkorissarnissamut atuisup akiliutissaa tamakkerlugu akileqquneqassaaq.

Peqataaniarluni nalunaarnissamut piffissaliussap pinnginnerani peqataaniarluni allakkatigut nalunaarfissaq atorlugu pikkorissarnissamik taamaatitsisoqassaaq. Taamaatitsineq allakkatigut aamma piffissaq eqqorlugu pinngippat peqataanermut akiliummik tamakkiisumik akileeqqusinissamut allattoqarfik imminnut pisussaatippoq.

 

Malugiuk:


Pisortannit aamma pikkorissarnermi akisussaasumit akuerineqarpat aatsaat nalunaarnerit atuutilissammat. Pikkorissarnissamut peqataanissavit nalunaarutigineqarnerata imaluunniit nalunaarutigineqarsimannginnerata ilisimatitsissutiginissaa pisortavit isumagisassaraa.

Namminersorlutik Oqartussani aqutsisutut sulilerlaanik pikkorissartitsineq

  • Oqaatsit: Dansk
  • Sivisussusaa: 1 Ullut
  • Nuuk
  • 09:00 - 16:00