Pikkorissarnermi peqataasut atorfilittat pitsaasumik pissuseqartarnissaat pillugu tunngavinnik piumasaqaataasunik paasinnilluassapput aamma malittarisassat paasiuminaatsorujussuit isumaginissaannut sakkussanik pissarsissapput, taamaalillutik pitsaanerpaamik piginnaasaqalerlutik. Pikkorissartut atortussanut digitaliusunut katersarpassuarnut isersinnaalissapput tamatumalu kingorna katersatut iluaqutaasutut atorsinnaalissallugit, tassa inatsisit politikillu akornanni qanoq sulisoqarnissaa pillugit   apeqqutinik takkuttoqaraangat. Pikkorissarnermi ilaatigut sammisat tullinnguuttut makku iserfigissavavut:

• Pisortani ingerlatsivinni sulinissamut inatsisitigut tunngaviusumik killiliussat
• Sooq-una aalajangiiniarnerni inatsisit pingaaruteqartut aamma tamanna iluatsinngippat qanoq pisoqariataarsinnaava
• Inatsisit atuuttut malinnissaannut kikkut pingaarnertut akisussaasuuppat?
• Inatsisit atuuttut qaqugukkut atuuttarpat aamma tamakkuninnga qaqugukkut unioqqutitsisoqartarpa
• Sulianik ilisimasaqarluarneq, tunngaviusumik misissueriaaseq, ingasaassinaveersaarneq aamma naleqquttuunnginneq pillugu periutsit
• Politikikkut oqartussaasunit aalajangiisoqareeraangat taava qanoq ililluni tunngavilersuutit pillugit piumasaqaatit il.il. malinneqarsinnaappat
• Politikerit suleqatigineqartut pisariaqartitaminnik "eqqortunik" ikiorneqarnissaat qanoq qulakkeerneqarsinnaava
• Pisortat ingerlatsineranni politikeriinnaat aalajangigaannik peqartoqarpa?
• Atorfilittat naameersinnaatitaagunik aamma taamatut pisinnaatinneqassapput - tamatumanilu piffissaq eqqortoq qaqugukkuussanersoq qaqutigut eqqortuusarpoq. Atorfilittat pisussaaffimminnik naameerpata taava tamakku pineqaatissinneqarsinnaappat. Inatsisit politikillu akornanni aqutsisutut inissisimanermik isumaginninneq tamannalu pillugu oqallinneq.