Suliassat isumaqatigiissitsiniarnermut tunngasut

Isumaqatigiissitsiniarneq

Nassuiaat pillugu isumaqatigiinnginneq imaluunniit isumaqatigiissutinik unioqqutitsineq suliatigut isumaqatigiissitsiniarnikkut imaluunniit isumaqatigiissitsiniarnikkut aaqqinniarneqartarput.


Amerlanertigut nassuiaanissamut akerleriinnerit sumiiffinni pilersarput. Ajornartorsiut assersuutigalugu aqutsisut sinniisullu akornanni oqaloqatigiinnikkut imaaliallaannarluni aaqqinneqarsinnaanngippat - suliap isumaqatigiissummi illuatungeriinnut qaqinneqarnissaanut alloriartoqartinnagu - suliffeqarfimmi sinniisut aamma kattuffiup sumiiffinni immikkoortortaqarfiata, immaqalu sinniisup akornanni ataatsimiittoqassaaq. Sumiiffimmi illuatungeriit isumaqatigiissinnaanngippata isumaqatigiinngissutit piviusumi ataatsimiinnerup imaqarniliornerani imatut imaqartillugu allaaserineqassapput:


  1. Ataatsimiinneq sumi qangalu ingerlanneqarpa
  2. Kina peqataassava
  3. Suna isumaqatigiinngissutaava
  4. Isumaqatigiinnginnermut illuatungeriit isummersimaneri
  5. Suliap isumaqatigiissummi illuatungeriit akornanni isumaqatiginniutissatut tunniunneqarnissaa pillugu illuatungeriit isumaqatigiissinnaanerat
  6. Sumiiffimmi peqataasut atsiorneri

Isumaqatigiissitsiniarluni ataatsimiinnerit

Isumaqatigiinnginneq sumiiffimmi aaqqinneqarsinnaanngitsoq akunnermuliuttoqarluni isumaqatigiissitsiniarluni ataatsimiinnermi isumaqatigiissummi illuatungeriit akornanni isumaqatiginninniutigisassanngorlugu tunniunneqassaaq, illuatungeriit arlaata tamanna piumasarippagu. Isumaqatigiissitsiniarnerni sulisitsisoq sinnerlugu isumaqatigiissutileriffik tamatigut peqataasarpoq, amerlanertigut najukkami sinniisuutitaqarnikkut.

Akunnermuliuttoqarluni isumaqatigiissitsiniarluni ataatsimiinneq aamma isumaqatigiissummi illuatungeriit akornanni toqqaannartumik pilersinneqarsimasumi isumaqatigiinnginnerit suliarinerannut aamma aallartinnerusarpoq.


Isumaqatigiissitsiniartulerluni aaqqiagiinngissummik aalajangiineq

Isumaqatigiinniarnikkut akunnermuliuttoqarluni isumaqatigiissitsiniarnikkut aaqqiissutissamik nassaartoqanngippat eqqartuussivikkut aalajangiiniarneq anguniarneqassaaq. Isumaqatigiissummi siunertaasimasumut nassaarnissamut sapinngisamik annertunerpaamik qulakkeerinissaq anguniarlugu aalajangiineq taanna suliatigut isumaqatigiissitsiniarnikkut eqqartuussivimmi isumaqatigiissummi illuatungeriit nalinginnaasumik peqataaffigisaanni aalajangiiffigineqassaaq.

Isumaqatigiissitsiniarnikkut eqqartuussivimmi isumaqatigiissummi illuatungeriit aamma nalinginnaasumik sinniisumik ataatsimik marlunnilluunniit sinniisoqartarput. Tamatuma saniatigut isumaqatigiissummi illuatungeriit peqatigiillutik toqqagaannik siulittaasumik attaviitsumik peqassaaq. Aalajangiineq isumaqatigiissitsiniarnikkut eqqartuussivimmik aalajangerneqartoq pituttuisuuvoq aamma eqqartuussivinni oqartussanut allanut suliassanngortinneqarsinnaanani.


Apeqqutigisatit akineqarpat??