Immikkut siunnersortinik siunnersortillu pisortaannik atorfinitsitsinermi najoqqutassat

Aningaasaqarnermut Sulisoqarnermullu Aqutsisoqarfimmi (ASA-mi) Isumaqatiginninniartarnermut Allaffiup immikkut siunnersortit kiisalu siunnersortit pisortaat pillugit kattuffiit arlallit isumaqatigiissusiorfigai. Immikkut siunnersortinik siunnersortillu pisortaannik atorfinitsitsisoqarnissaanik periarfissaqarpat isumaqatigiissummit pineqartumit takuneqarsinnaassaaq.

Immikkut siunnersortitut siunnersortilluunniit pisortaatut tapisiat taamaallaat qinnuteqartunut immikkut piginnaanilinnut tunniunneqartarput. Taamaattoq qinnuteqartup immikkuullarissumik ilisimasai sulinermilu suliassat ataatsimut isigalugit tunngaviusinnaapput, qinnuteqartoq nalilersuereernikkut atorfininnera aallarnerfigalugu immikkut siunnersortitut imaluunniit siunnersortit pisortaattut tapisiaqartinneqarnissaanut.

Immikkoortortami pisortaq suleqammut immikkut siunnersortitut siunnersortit pisortaattulluunniit atorfinitsitaanerup ulluaniit tapisiaqarnissaanik neriorsuisinnaatitaanngilaq, Aningaasaqarnermut Sulisoqarnermullu Aqutsisoqarfiup allakkatigut tamanna akuersissutigisimanngippagu.

Immikkut siunnersortit siunnersortilluunniit pisortaatut atorfinitsitsineq marloqiusaavoq makku pillugit:

  • Suliassat immikkut piginnaanilinnit suliassaasassapput, assersuutigalugu suliniutinik aqutsineq imaluunniit aqutsisunut qullerpaanut siunnersuineq.
  • Qinnuteqartup sulinermut piginnaasai inuussutissarsiornermillu misilittagai immikkuullarissuussapput, assersuutigalugu suliffiup aalajangersimasup iluani ukiuni arlalinni misilittakkat.

Atorfimmik inuttassarsiuussineq

Atorfimmik inuttassarsiuussineq Emply Hire aqqutigalugu ikkunneqassaaq, tassani krydsilerneqassalluni immikkut imaluunniit siunnersortit pisortaattut atorfittut inuttassarsiuunneqarnersoq. Atorfimmik inuttassarsiuussineq tamatuma kingorna Aningaasaqarnermut Sulisoqarnermullu Aqutsisoqarfimmi akuerineqaqqaassaaq inaarutaasumik inuttassarsiuunneqarnissaa sioqqullugu.

Akuersinissaq taanna piffissamut akuersiffiusussamut sunniuteqarsinnaavoq. Taamaalilluni atorfimmik inuttassarsiuussinerup akueriniarneqarnera piffissamik atuiffiusinnaavoq.


Immikkut siunnersortinut imaluunniit siunnersortit pisortaannik atorfinitsitsineq

Aningaasaqarnermut Sulisoqarnermullu Aqutsisoqarfik kisimi naliliissaaq qinnuteqartoq immikkut siunnersortitut siunnersortilluunniit pisortaattut allagarsiussamut atatillugu atorfinitsitsisoqassanersoq. Aningaasaqarnermut Sulisoqarnermullu Aqutsisoqarfiup nalilersuinermini taamaallaat atussavai sulisussarsiorluni allagarsiussaq, atorfiup suliassallu allaaserinerat kiisalu qinnuteqartup CV-a qinnuteqaataalu.

Qinnuteqartoq immikkut siunnersortitut siunnersortilluunniit pisortaattut taamaallaat atorfinitsinneqarsinnaavoq qinnuteqartoq minnerpaamik ukiuni arlalinni suliassaqarfimmi (immikkut ilisimasaqarluni) sulisimappat suliassallu immikkut piumasaqaateqarfiuppata / atuuffeqarsimappata soorlu:

  • Oqartussaaffiit akimorlugit ataqatigiissaarisuuneq. Assersuutigalugu, qinnuteqartoq pilersaarutinik aqutsinermik ingerlatsisuussappat.
  • Nammineerluni aalajangiisinnaatitaaneq. Assersuutigalugu, qinnuteqartoq atorfinitsitaanerup ulluaniit suliamut tunngasunik ilisimasaqarluarluni nammineq aalajangiisinnaallunilu innersuussisinnaassappat. Malittarisassat naapertorlugit sulisup aalajangiiffigisai nammineerluni aalajangiisinnaassuseqarnermut attuumassuteqanngillat.
  • Aqutsisut suliassaat. Assersuutigalugu aqutsisunut qullerpaanut siunnersuineq, tamanna nalinginnaasumik suleqatip aqutsisua qaninneq avaqqullugu taamaallaat pisarpoq.

Aningaasaqarnermut Sulisoqarnermullu Aqutsisoqarfik arlaannik pisoqartillugu naliliisinnaavoq immikkut siunnersortitut siunnersortilluunniit pisortaattut sulisussarsiornermi qinnuteqartoq tapinik tunineqarnissamut naammaginartumik piginnaaneqanngitsoq, tassa qinnuteqartoq immikkut siunnersortitut imaluunniit siunnersortit pisortaattut atorfimmik qinnuteqarsimagaluarpalluunniit. Taamatut pisoqarnerani immikkoortumi aqutsisut allagarsiussaq tunulequtaralugu qinnuteqartumik atorfinitsitsisinnaannginnerannik kinguneqassaaq.

Taamatut pisoqannginnissaa anguniarlugu sulisussarsiorluni allagarsiussaq allanngortinneqarsinnaavoq, soorlu "Fuldmægtigimik imaluunniit Immikkut siunnersortimik" sulisussarsiortoqarsinnaavoq. Taamatut atorfimmik inuttassarsiuussineq Emply Hire-mi immikkut imaluunniit siunnersortit pisortaattut suli krydsilerneqartassaaq. Aningaasaqarnermut Sulisoqarnermullu Aqutsisoqarfik naliliippat qinnuteqartoq immikkut siunnersortitut atorfinitsinneqarsinnaanngitsoq, immikkoortumi aqutsisup qinnuteqartoq fuldmægtigitut atorfinitsissinnaavaa.

Taamatut pisoqannginnissaa anguniarlugu sulisussarsiorluni allagarsiussaq allanngortinneqarsinnaavoq, soorlu "Fuldmægtigimik imaluunniit Immikkut siunnersortimik" sulisussarsiortoqarsinnaavoq. Taamatut atorfimmik inuttassarsiuussineq Emply Hire-mi immikkut imaluunniit siunnersortit pisortaattut suli krydsilerneqartassaaq. Aningaasaqarnermut Sulisoqarnermullu Aqutsisoqarfik naliliippat qinnuteqartoq immikkut siunnersortitut atorfinitsinneqarsinnaanngitsoq, immikkoortumi aqutsisup qinnuteqartoq fuldmægtigitut atorfinitsissinnaavaa.

Immikkut siunnersorti pillugu atorfiup inuttassarsiuunnera, atorfiup suliassallu allaaserineqarneri kiisalu apeqqutit uunga nassiunneqassapput personale@nanoq.gl.

Immikkut siunnersorti pillugu atorfiup inuttassarsiuunnera, atorfiup suliassallu allaaserineqarneri kiisalu apeqqutit uunga nassiunneqassapput isuma@nanoq.gl.

Immikkut imaluunniit siunnersortit pisortaattut Emply Hire-mi atorfimmik inuttassarsiuussinerup aaqqissuunneranut tunngasut apeqqutit uunga nassiunneqassapput stillinger@nanoq.gl


Spørgsmål vedr. ansættelse af specialkonsulenter

Stillingsopslag, stillings- og funktionsbeskrivelse samt spørgsmål omkring ansættelse af specialkonsulenter fremsendes hertil.

Spørgsmål vedr. ansættelse af Chefkonsulenter

Stillingsopslag, stillings- og funktionsbeskrivelse samt spørgsmål omkring ansættelse af chefkonsulenter fremsendes til

Spørgsmål vedr. Emply Hire

Spørgsmål vedrørende opsætning af et stillingsopslag i Emply Hire som special- eller chefkonsulent fremsendes til stillinger@nanoq.gl

Apeqqutigisatit akineqarpat??