UAGUT

Pisortaqarfimmi Ataatsimoortumik Piginnaanngorsaavik
Kalaallit Nunaat tamakkerlugu pisortat suliffeqarfiutaanni sunniuteqarluartumik pikkorissartitsisarnissat piginnaasatigullu ineriartortitsinissat pilersinnissaat FOKU-mi (Pisortani Piginnaasanik Ataatsimut Ineriartortitsineq) siunertarineqar-poq. FOKU-mi sullitassat amerlinerisigut peqataasussat amerlisarnissaat sulissu-tigineqassaaq, peqatigitillugulu immikkoortortat ataasiakkaat peqataanerannut akigitinneqartoq appartillugu.
FOKU-mi aaqqiissutissat isumannaatsut qulakkeerniarlugit suliffeqarfiup iluani ilinniartitsisinnaasut pitsaanerusunik atugassaqartinnissaat sulissutigineqassaaq, matumanilu najukkani sulisorineqartut ilinniartinneqassapput, sungiusarneqas-sapput allagartartaartinneqarlutillu, taamaalillutillu siunissami FOKU-mut tunnga-sunik ilinniartitsisinnaalersillugit. Susassaqarfimmilu sulisut pigiinnarnissaat aalajaatsumillu ineriartortoqarnissaa siunertaralugit ilinniartitseriaatsinik Kalaallit Nunaanni siunnersortinit, kalaallillu oqaasii atorlugit suliarineqarsinnaasunik pi-lersitsinissaq anguniarlugu allattoqarfik sulissuteqarniarpoq. 

Pikkorissartitsinernut piginnaasanillu ineriartortitsinernut suliniutit sullitassat sa-pinngisamik qanimut suleqatigalugit ingerlanneqassapput, tunngaviatigullu anguniagaasoq tassaavoq pikkorissartussat 20-t allamukaannagit ilinniartitsisoq ataaseq allamukartikkaanni akikinnerpaajusoq. Pikkorissartitsinerillu taamaalil-lutik sumiiffinni pisariaqartitsineq naapertorlugu Kalaallit Nunaat tamakkerlugu ingerlanneqarsinnaassapput.  Najukkami susassalik (Kommuni imaluunniit Nam-minersorlutik Oqartussat) pikkorissartitsinermik aaqqissuisuussaaq, FOKU-milu allattoqarfiup ataqatigiissaarinerit, pilerisaarinerit allaffissornertaalu pingaarneq suliarissavai.

FOKU-p suliassarai:
"Sapinngisamik amerlanerpaat ilinniartinnissaat

pitsaanerpaaq atorlugu

sunut tamanut

aningaasallu ikinnerpaat atorlugit. "