Oqartoqartarpoq asseq ataaseq oqaatsinit 1000-nit amerlanernik oqaaseqartartoq. Oqalualaarneruinnaanngilaq. Assit inuuninitsitsisarput, tunniusimalersitsillutillu aalajangiussisimatitsisarlutillu

Pikkorissartitsineq tassaavoq sulianik takusassiassanngortitserusuttumut aammalu ingerlariaatsinik titartaanikkut aammalu ilusilersuinikkut pitsanngorsaarusuttumut tulluartuuvoq. Pikkorissartitsinerup oqariartuummik ajornakusoornartumik tunniussiniarnermi erseqqarinnerusumik ajunngitsumillu oqariartuuteqarsinnaanissamut atortussanik tunniussinissaq siunertaraa.

Pikkorissartitsinermi ataatsimiinnermi aqutsisutut, suliami aqutsisutut aammalu ilitsersuisutut piginnaasatit ineriartortissavatit. Suliassat ingerlariaatsillu ajornartut titartarsinnaalerlugillu ilusilersorsinnaalernerani annertunerusumik peqataasinnaatitsisinnaanerit ilinniassavat.  Ini atortorissaarutillu tigoriaannaat atorluarsinnaanissaat ilinniassavat.

Imarisai:

Pikkorissartitsinermi suliat, ingerlariaatsit periutsillu aalajangersimalertinnissaannut atortussanik pissarsissaatit. Oqaatigerusutanik ajornartunik paasinnissinnaanissaq ilinniassavat.

• Titartaariaaseq ajornanngitsoq
• Qalipaatit oqquartallu atorneqarneri
• Ilutsit assitallu atorneqarnerat
• Assinngorlugit ilusilersuutit.
• Ingerlatsineq periutsillu.
• Sungiusarneq periutsinillu assigiinngitsunik misiliineq. 

Ilinniartitseriaaseq:

Pikkorissartitsinermi ilaatigut demo-t aqqutigalugit, periutsikkut siunnersuinermik, ilutsinik aammalu ingerlariaatsinik titartaanermik misileraanermik imaqassaaq.  Nammineerluni suleqatigiinnilu suliassaqartarumaarpoq.

Pikkorissartitsinerup piffissaata annersaa iliuuseqarluni misiliinermut aammalu utertitsiviginninnermut atorneqassaaq.

Ulloq siulleq: Titartaaneq ilusilersuissarpoq. Tamatuma kingorna angerlarluni suliassat piareersarnerlu.

Ullut aappassaat: Nammineq titartakkatit atorlugit suliaqarit.

Inunnik sullissinermik misilittakkat.  Pikkorissartitsineq assinik titartaanissamik siunertaqanngilaq – taamaammat siornatigut titartaasarsimanermut piumasaqaateqartoqarani.