Atorfillit pillugit inatsit kiisalu suliassaqarfimmi inatsisit aallaavigalugit atorfinitsitsisarnermut tunngatillugu malittarisassat tunngaviusullu pingaarnerpaat ilinniakkit, assersuutigalugu suliassat suliarineqartarnerat pillugu-, pisortat ingerlatsinerat pillugu-, tjenestemandslov-i pillugu-, naligiimmik pineqarnissaq pillugu- kiisalu sulinngiffeqarneq pillugu inatsisip ilaa pisortani sulisunut attuumassutillit.

Inatsisit ilisimalluarlugit ujaasiffigikkit

Tunngaviusut malittarisassallu pingaarnerit ilisimanerisigut sulisut pillugit suliassat ulluinnarni suliarisarnerat nukittunerulerfigissavat. Pikkorissarneq una ilisimasanik pitsaasunik tunngavissanik pisortat ingerlatsiviini sulininnut iluaqutigisinnaasannik pilersitsiviussaaq. Ulluinnarni siunnersuisarnerit nukittorsassavat aamma inatsisit isumannaatsumik ilisimallualersinnaavatit.

Malugiuk ilinniartitsineq pingaarnertut danskisut ingerlanneqartussaammat.

Pikkorissaanerup imai

Pikkorissarneq inatsisinik maleruagassanik inatsisitigut periutsinik imaqarpoq aamma ilinniartitsineq qanoq suliarisarneranik saqqummiinermik, oqaloqatiginninnernik suliamullu atatillugu suliassanik imaqarpoq.

Ilaatigut makkua eqqartorneqassapput

• Suliassanik suliarinnittarnermut malittarisassat, matumani allagaatinik takunnissinnaaneq suliassamullu attuumassuteqarneq pissutigalugu suliarinnissinnaannginneq
• Pisortani atorfillit killiligaanatik oqaaseqarsinnaatitaanerat nipangiussimasussaatitaanerallu
• Atorfinitsitseriaatsit
• Aqutsisutut pisinnaatitaaffiit
• Soraarniuteqarnermi/Soraarsitsinermi maleruaqqusat
• Napparsimaneq aamma allamik peqquteqarluni sulinnginneq
• Isumaqatigiissutinut tunngasut tamaasa, soorlu pequtinik nussuinerit pillugit

Pikkorissarnermi suliassavit unammilligassavillu assinganik suliaqartut allat naapissinnaavatit.

Ilinniartoqarfimmi suliffiit sulisunut, sulisunik aqutsinermik pisortaniluunniit siunnersuisarnermut tunngappat imaluunniit susassaqarfimmi maleruagassat paasissallugit pisariaqartikkukku pikkorissarneq ilinnut tulluartuuvoq.