Sulisoqarnermut immikkoortortami-Siunnersortitut ilinniagaq
Sulisoqarnermut immikkoortortami Siunnersortitut ilinniagaq nunatsinnit aallaaveqarluni naleqqulluinnartuuvoq aamma inuiaqatigiinni, aaqqissuussaanikkut kulturikkullu immikkut piumasaqaataasunut nunatsinni Sulisoqarnermut immikkoortortani sulinernut atuuttoq naleqqussagaavoq.
Ilinniartitaaneq Sulisoqarnermut immikkoortortamut HRM (Human Ressource Management) tamarmut tunngavoq - sulisussarsiniarnermiit, suleqatigiilluni sulinermut, ineriartortitsinermut, kajumissaanermut, sulisoqarnermut sulisunillu soraarsitsinernut.
Tamanna ilutigalugu nunatsinnit aamma nunanit allanit sulisussanik pikkorissunik kajumissaarinissamut tigumminniinnarnissamullu periarfissat qitiutinneqarput, tassa imaappoq suliatigut kulturimik paasinnittariaaseq pingaartinneqartorujussuusoq, tassunga ilanngullugit nunani tamalaani kulturinut tunngasut, tassami tamanna pitsaasumik suleqatigiinnissamut pingaaruteqarluinnarmat aammalu nunatsinni kattuffinnut tunngavissiisuummat.
Sulisoqarnermut immikkoortortami siunnersortitut ilinniagaqarneq suliffimmik sungiusarnertalimmik sammisanut assigiinngitsunut aggutaagaavoq, tamatumani atuagassornerit sulinerillu ataatsimoortinneqarlutik, tassa imaappoq ilisimaligaq nutaaq angerlaanneqarsinnaasoq ingerlaannarlu atorneqarsinnaasoq. Peqataasut pikkorissarnerminni namminneq misilittakkaminnik suliassanillu unamminartunik tunniussaqarnissaat aamma ataatsimoorussanik sakkussanik ineriartortitsinernut timitaliillutik peqataanissaat naatsorsuutigineqarpoq. Atuagarsornermik sulinermillu ilinniartitsisoqartarpoq aamma sammisanut tamanut sungiusagassaqarlunilu suliassaqartiterpoq.
Suliassat unamminartut/Sammisat nunatsinni Sulisoqarnermut immikkoortortani siunnersortitut piumasaqaataasut immikkut qitiutinneqassapput, tassa sulissussarsiornerit sulisunillu tigumminniinnarnerit, internetikkut ungasianit aqutsinerit, allanngornissamut piareersimanerit, suleqatigiit sulinerat suliallu minnerunngitsumillu suliffiup avatangiisai peqqinnartut.
Danskisut ilinniartitsisoqarnerussaaq, atortussalli kalaallisuujullutillu danskisuujussapput, soorluttaaq suleqatigiilluni sulinerit oqallinnerillu oqaatsinik marluinnik ingerlanneqassasut.
Ulluni tallimani ilinniartitsisoqassaaq kingornatigullu ullut pingasut internetikkut ingerlanneqassalluni. Sap. ak. 22-mi ataasinngornermiit tallimanngornermut pikkorissartoqassaaq (30. maj – 3. juni 2022 Nuummi Hotel Hans Egedemi.
Paasissutissat pisariallit
Aallartiffissap ullua
30 Maaji 2022
Naammassiffissap ullua
3 Juuni 2022
Ullut pikkorissarfiit:
5
Nalunaarfissaq kingulleq:
21 Marsi 2022
Peqataasussat amerlanerpaaffissaat:
20
Pikkorissaaffiup sumiiffia:
Hotel Hans Egede
Sumiiffik:
Aqqusinersuaq
3900
Nuuk
Sermersooq Kommune
Grønland
Deltager pris:
18500 DKK
Pikkorissaanerup imarisaa
Sulisoqarnermut immikkoortortani siunnersortitut ilinniagaq sammisanik tullinnguuttunik makkuninnga imaqarpoq, taakkulu ullunut tallimanut agguataagaapput aamma nal. ak. marlukkuutaarlugit pingasut - tallimariarluni internetikkut ingerlanneqassalluni:
Sammisaq 1: Sulisoqarnermut immikkoortortami sulisoq maligassiuisutut. Sulisoqarnermut immikkoortortami sulinissamut suut piumasaqaataappat, suliassakka suuppat, qanoq ilillunga maligassiuilluartuussaanga aamma inuttut iliuuseqarsinnaassusera tamakkorpassuarnik aqutsinissannut qanoq atussavakka?
Sammisaq 2: Suliffeqarfinni assigiinngitsuni sulisoq - pisortani suliffeqarfinnik tunngaviusumik paasinninneq aamma atorfilittat pisussaaffiinik qitiutitsinerit.
Sammisaq 3: Suliffimmi atukkat aamma kajumissuseq. Suliffeqarfimmi sulisut qanoq kajumissaarlugillu pitsaasumik atugaqartissinnaavavut? Suliffiup avatangiisaanik qitiutitsineq aamma sulisut MUS-millu/atukkat pillugit oqaloqatiginninnerit qitiutillugit.
Sammisaq 4: Suleqatigiinnik aqutsineq Suleqatigiinni ineriartortitsinerit, suliat suliassallu unamminartut, TUS (Suleqatigiit ineriartornissaat pillugu oqaloqatiginninnerit).
Sammisaq 5: Attaveqaqatigiinneq – uanga allallu siunertaqarluartumik qanoq attaveqaqatigiittassaagut.
Sammisaq 6: Oqaloqatigeeriaatsit - Aallarterlaanik siunnersuinerit - sulisut siunnersorlugillu siunnersuinissamut sakkussat atorlugit qanoq ikiorsinnaavakka.
Sammisaq 7: Nunani tamalaani kulturinik attaveqaqatigiittarnernillu paasinninnerit - nunat assigiinngitsorpassuit suleqatigiikkaangata.
Sammisaq 8: HRM-inatsisilerineq naatsuaraq - atorfinitsitsinerni soraarsitsinernilu inatsisinik malittarisassanillu qitiutitsinerit.
Sammisaq 9: Tikilluarit – Peqataalersut aamma atuakkat sulisunut ilitsersuutit.
Sammisaq 10: Ungasianit internertikikkullu aqutsinerit. Ungasianit internetikkut sulisoqassagaanni suut piumasaqaataappat? Tassani sumiiffinni piffissanilu assigiinngitsuni suleqatigiinnerit, suliakkiisarnerit namminerlu aqutsinerit qitiutinneqarput. Pikkorissarnermi periutsit nutaat sungiusalerukkit ulluinnarnit nammineq misilittakkatit qisuariaatigisartakkatillu atussavatit.
Sammisaq 11: Aporaannernik isumaginninnerit – Sulisoqarnermut immikkoortortami siunnersortip sakkussai. Suliassat ajornakusoortut suliffimmilu sulisut akornanni aaqqiagiinnginnerit isumagineqarnissaannut tigussaasunik sakkussannik tunineqassaatit. Oqaloqatigiinnissamut ajornakusoortumut aporaannerit tunuliaqutaat aamma ulluinnarni siunnersuutit tigussaasut pissarsiarissavatit.
Ilitsersuisoq
Trine Egede
Trine Egede Kalaallit Nunaanni Danmarkimilu namminersortuni pisortanilu HR Ineriartortitsinermi Aqutsisunut siunnersortitut ilinniartitsisutullu sulisutut ukiut 20-t sinnerlugit ilinniartitsinermik aqutsisullu pillugit misilittagaqartuuvoq.
Kalaallit Nunaanni ukiuni 15-ini najugaqarsimavoq, taamatuttaarlu namminersortuni pisortanilu aqutsinerit pillugit ukiuni amerlasuuni misilittagaqartuulluni. Immikkut piginnaaneqarfigai suliniutit ingerlatsinermilu aqutsineq, aaqqissuussaanermik ineriartortitsineq, sulisilluni avatangiisit aamma sulisunik aqutsineq, taamatuttaarlu nunani avannarlerni atorneqartartunik aqutsinermut atugassiissutinik arlalinnik ineriartortitsinermi peqataasartuulluni.
Sullinniakkat
- Sulisoqarnermut immikkoortortani sulisut tamarmik sulisunut akisussaaffeqarput/sulisunik aqutsisuupput aamma sutigut tamatigut sulisussanik kajungilersitsisassapput
- tigumminniinnassapput ineriartortitsillutillu.
Naatsorsuutigineqartut
Ilinniakkamik aallartitsinissamut/tiguneqarnissamut immikkut ittunik piumasaqaateqartoqanngilaq, taamaallaat Sulisoqarnermut immikkoortortami atorfeqassaatit imaluunniit tamakkununnga tunngasunik suliaqassaatit.
Ilinniartitaanermi 10 ECTS-pointinnarusukkuit naggasiullugu suliassaq amerlanerpaanik sisamanik quppernilik naammassillugu suliarissavat. Aallarniineq Ajornartorsiummillu oqaasertalersuineq + ilanngussat allattorsimaffiat aamma taanna oqaasiinnartigut illersussavat. Taamaattoqassappat peqataanissamut piumasaqaatit tassaassapput ukiuni marlunni sivisunerusumilluunniit sulillutit misilittagaqarnissat aamma matuma ataani ilinniakkanik naammassinnissimanissat:
- Attuumassuteqartumik inuussutissarsiummik ilinniagaq
- Inersimasunut tunngaviusumik ilinniagaq
- Ilinniarnertuunngorniarfik
- Ilinniagaq alla attuumassuteqartoq matuma qulaanit qaffasinnerusoq imaluunniit
- allanik ilinniagalik matuma qulaani assingusunit imaluunniit tiguneqarnissamut piumasaqaatinut naapertuuttunik piginnaasaqarfigisat. Tamanna ilinniartitsisup ataasiakkaaraluni piginnaanernik nalilersuinermini aalajangissavaa.
Aaqqissuisoq
Paasissutissat pisariallit
Aallartiffissap ullua
30 Maaji 2022
Naammassiffissap ullua
3 Juuni 2022
Ullut pikkorissarfiit:
5
Nalunaarfissaq kingulleq:
21 Marsi 2022
Peqataasussat amerlanerpaaffissaat:
20
Pikkorissaaffiup sumiiffia:
Hotel Hans Egede
Sumiiffik:
Aqqusinersuaq
3900
Nuuk
Sermersooq Kommune
Grønland
Deltager pris:
18500 DKK
Sulisoqarnermut immikkoortortami-Siunnersortitut ilinniagaq
- Oqaatsit: Dansk
- Sivisussusaa: 5 Ullut
Nuuk
30 Maaji 2022
Sulisoqarnermut immikkoortortami-Siunnersortitut ilinniagaq
- Oqaatsit: Dansk
- Sivisussusaa: 5 Ullut
- Nuuk
- 30 Maaji 2022