Sulisut ineriartortinneqarnissaat pillugu oqaloqatiginninnerit aqutsisutut suliassani pingaaruteqartut ilagaat – immaqa pingaarnersaalluni. Oqaloqatigiinneq tassaavoq maannakkut suliffinni pissutsinik isertuanngitsumik illugiillunilu oqallinneq, ukiumi qaangiuttumi suliniutit aamma sulisup siunissamut kissaatai pilersaarutaaluni isiginiarneqarlutik. Aaqqissuussaanermi anguniakkat aallaavigalugit siunissaq pillugu isumaqatigiissuteqarnissaq sulisunut ataasiakkaanut suliassanik unamminartunillu eqqortunik pissaqartitsisoq anguniarsarivarput.

Oqaloqatigiinneq ingerlalluarnermut, ilinniarnermut, sulisoriinnarnissaannut naammassisaqarluarnissamullu pingaaruteqarpoq. Suleqammik oqaloqateqarnerit pitsaasut sunniuteqarluartarput. Innuttaasut pitsaanerpaamik sullinneqarnissaannut aningaasartuutinullu sunniuteqarnerpaamik ingerlatsinissamut suliffeqarfiup ilisimasaqarnissaanut, pisinnaasaqarnissaanut piginnaasaqarnissaanullu taakku qulakkeerinnittuupput. Uuma pikkorissarnerup siunertaa tassaavoq pitsaasumik Sulisut ineriartortinneqarnissaat pillugu oqaloqatiginninnerit isumassarsiornissaq.

Atuagarsuinnarluni pikkorissarnerunngilaq. Sakkut aalajangersimasut suliarineqassapput, aamma illit tassanerpiaq qanoq taakku atussaneritit. Peqataasut sulisunik ineriartortitsisumik oqaloqatigiinnermut tunngasunik pitsanngorsaaniarluni siunnersorneqarslutik, nutaanik periaatsinik isummanillu tuniorarneqassapput. Aallartinnera, piareersaanerit, suliarinninneq, allaffissorneq malitseqartitsinerlu.

Pikkorissarnerup imai:

• Oqaloqatigiinnerup immikkoortui
• Attaveqaqatigiinneq apersueriaatsillu.
• Oqaatsit, tusarnaarneq ilisarnaatillu.
• Sulinermi atortorissaarutinik atuineq, sioqqullugu, pinerani aamma kingorna.
• Piginnaasanik ineriartortitsineq
• Nipangersimaneq tatiginninnerlu.