Aqutsinermi periarfissatit tamanut oqaluuserissavatit qulaajarlugillu - aamma tamanna pisuni aalajangersimasuni pisortatigoortumillu oqallittarfimmi ingerlaavartumik pisassaaq. Aqutsisutut periarfissat imatut paasineqassaaq, tassa aqutsinissamut pisinnaatitaaffiit, periarfissat killissallu. Illit aqutsisutut aalajangiinerit sorliit toqqassagitit pineqarpoq, kisianni angusanut anguneqartunut sunik akisussaaffeqarninnut aamma tunngapput.

Taamaattumik suliffeqarfiup ilaani immikkut akisussaaffeqarnikkut aaqqissuussaanikkut ilutsit aningaasallu eqqarsaatigalugit piumasaqaatit ilisimasussaavatit. Tamanna periarfissiinissami timitaliilluni suliniuteqarnissamik piumasaqaatitaqarpoq, tamatumanilu illit pisortani aqutsisutut inatsisinik unioqqutitsinak aqutsisinnaavutit. Tamatuma saniatigut aqutsisorisat qaninnerusoq aqutsisoqatitillu peqatigalugit aqutsinikkut pingaarnersiuinernik pisinnaatitaaffinnillu naleqqussaanissannut periarfissaqarputit.

Aqutsisut qaniginerpaasatit aqutsisoqatitillu qanimut suleqatigiillusi aqutsisoqatigiinni timitaliillusi tunniussaqarnissigut illit aqutsinissannut tunngavissiinissat piumasaqaataavoq. Taamaalillutit aqutsininni periarfissatit suliffeqarfimmi aqutsinermik aamma tassani aqutsisut tulleriiaarnerannik ataatsimut paasinninnermik tunngaveqarput. 

Paasineqarumallutit ilumoorlutit nalunaaruteqartassaatit, tunngavilersuillutit aammalu aqutsisut aalajangiussaannik iliuuseqarlutit - tamakku aalajangiunneqareerpata. Aalajangiisoqartussaatillugu alaatsinaallutit peqataassaatit tunniussaqarlutillu. Tamatuma ilaatigut malitsigisaanik suleqativit

qisuariaatigisinnaasaannut nalunaaruteqartarlutillu iliuuseqartassaatit - aalajangiisoqannginnerani aamma aalajangiisoqareerpat.

Ullormi pikkorissarfiusumi pisortatut suliassaq siulianiittoq pingaarnertut sammineqartussaavoq.

Pikkorissarnerup nalaanni periutsit piviusut makku sammineqassapput:

• Aqutsininni periarfissatit qanoq qulakkeertassavigit?
• Illit nammineq aqutsisullu allat tunngavissat eqqortut qanoq pilersissavisigit?
• Illit, aqutsisorisat qaniginerpaasat, aqutsisoqatitit sulisullu aqutsinermik ataatsimut paasinnittoqarnissaanut qanoq iliussavit?
• Aqutsisut aalajangiinerat suliffeqarfimmi nalunaarutiginissaannut tunngavilersorneqarnissaannullu qanoq iliussavit?

 Periuseq:

Saqqummiineq naatsoq, sungiusarneq, utertitsiviginninneq, kingumut qiviarneq oqallinnerillu. Aqutsisup ataatsip allat ilagalugit inissisimaffini oqallisigissavaa. Immikkut periuutsimik pilersaarusiornikkut inernerisanit ilinniarneq ataavartinneqassaaq.

Naalakkersuisut qitiusumik allaffeqarfianni aqutsisuuvutit.