Suliffeqarfiup avatangiisinik sunniinissaa siunertaralugu illit immikkut ittumik immikkoortortanni angusanik sunniutinillu pilersitsinissat isumagissavat. Tamakku tassaassapput angusat sunniutillu innuttaasunut, suliffeqarfinnut, aaqqissuussaanernut inuiaqatigiinnullu kalaallinut. Tamanna patajaatsumik ingerlatsinikkut pissaaq, tamatumani sulisut ataasiakkaat inissisimaffii ersarissarneqarlutik aamma piffissamut killiliussat pitsaassutsinullu piumasaqaatit malinneqartussat aalajangersarneqassapput.

Suliffeqarfiup immikkut ittumik inuiaqatigiinnut ataatsimut isigalugu immikkut akisussaaffeqarneranik illit paasinninnikkut angusanik sunniutinillu pilersitsinissat tappiffigissavat, angusat sunniutillu nunatsinni inuiaqatigiinni annertuumik unamminartunut sammisut allannguinissamik pisariaqartitsisorujussuit.

Suliassanik isumaginninnernut tunngavissiinissat suliassaraat, tamatumani suliassani suut piviusunngortinneqarsinnaanersut piviusorpalaartumik qitiutillugit pingaarnersiussagitit pilersaarusiussagitillu piumasaqaataavoq. Angusat pitsaalluinnartumik tunniunneqarnissaat tamannalu ilutigalugu sunniutit atorneqarsinnaasut tunniussinnaajumallugit atuuttussanngortitsinissamut suliniutinut sulisunik immikkoortoortitsisoqarnissaa anguniagaavoq. 

Iluatsitsineq malunnartillugu akueralugulu angusat ersarissassavatit, tamakku inunnut ataasiakkaanut ataatsimoorfimmullu tunngasinnaapput.

Aaqqissuussamik malinnaatitsineq, nalilersuineq uuttortaanerlu qulakkiissavatit. Aamma avatangiisiussaaq arajutsinianngiffiusoq aamma pissutsit pitsaanerulersinniarlugit anguniagaqarfiujuartoq. Angusat anguniagassatut siunniunneqarsimasunut naammassinninngippata nassuiaatit assigiinngitsorpassuusinnaapput. Tamanna arajutsinianngillutit isummerfigissavat.

Ullormi pikkorissarfiusumi pisortatut suliassaq siulianiittoq pingaarnertut sammineqartussaavoq.

Pikkorissarnerup nalaanni periutsit piviusut makku sammineqassapput:

• Anguniakkanik sunniutinillu pilersitsisoqarniarnera qanoq ingerlaavartumik qitiutissinnaaviuk?
• Immikkoortortaqarfimmi suliassat inuiaqatigiinni unamminarnerpaat eqqumaffigalugit qanoq pingaarnersiussavigit?
• Suliniutit sunniutillu uuttortarneqarnissaannut, ersarissarneqarnissaannut, oqaluuserineqarnissaannut malinnaatitsisoqarnissaannullu qanoq iliussavit?
• Ilisimasat nalilersuinikkut anguneqartut pitsannguinernik kinguneqassappata qanoq iliussavit?
• Pitsaassutsip qulakkeernissaanut ingerlaavartumillu pitsanngorsaanissat qulakkeerniarlugit paasissutissanut tunngavissiinerit takussutissallu pingaarnerit qanoq qulakkiissavigit?

 Periuseq:

Saqqummiineq naatsoq, sungiusarneq, utertitsiviginninneq, kingumut qiviarneq oqallinnerillu. Aqutsisup ataatsip allat ilagalugit inissisimaffini oqallisigissavaa. Immikkut periuutsimik pilersaarusiornikkut inernerisanit ilinniarneq ataavartinneqassaaq.

Naalakkersuisut qitiusumik allaffeqarfianni aqutsisuuvutit.