Suliffeqarfimmi tamarmi paasisassarsiortussaavunga. Taamaalillutik suliffeqarfimmi tunngavisseeqataavutit, tassami illit immikkut ittumik immikkoortortaqarfiit Naalakkersuisut qitiusumik allaffeqarfiata ilagimmagu. Tamanna suliassat suliarineqarnissaat pillugit suliffeqarfiup ilaani oqaloqatigiilernissamik suleqatigiilernissamillu pisussaaffiliivoq - pissutsit ilutsinut tunngasut attaveqaatillu assigiinngitsut aqqutigalugit.

Suliffeqarfik ataatsimoortutut isummerfigissavat, taamaalillutik nunatsinni inuiaqatigiinni unamminarnerpaat isumagineqarniassammata. Tamanna inuiaqatigiinnut innuttaanullu tamanut iluaqutaasumik pingaarnersiuisinnaaninnik sillimmataatinillu pingaartitsinissannik piumasaqaatitaqarpoq. Imaassinnaavoq illit immikkoortortaqarfippillu suliassat unamminartut amerlanersaat pitsaanerpaamillu suliarineqarnissaannut tunngatillugu sulisunik tunniussaqarsinnaallutillu pissarsisinnaasutit.

Taamaattumik illit aqutsisutut illup iluani suleqataasut piffissaq eqqorlugu peqataatinneqarnissaannik paasinnittariaqarputit aammalu suleqatigiinnissamik ataqatigiissaarinissamillu kaammattuillutit. Suliffeqarfiup ilaani arlalinni suliassat imminnut attuumassuterpassuaqarput, tamatumani suleqatigiilluni suliassanik isumaginninnissat aaqqissuunnissaat ataqatigiissarneqarnissaallu iluaqutaassaaq. Tigussaasumik peqataatitsinissamik siunertaq ilisimaarissavat, peqataatitsigaangavit aamma peqataatinneqaraangavit.

Suliffeqarfimmi immikkoortortaqarfinni allanik orniguttarnikkut aamma suliat suleriaatsillu pillugit paasissutissiisarnikkut suliffeqarfimmi ilisimasanik piorsaasoqarnissaanut pingaarnersiuissaatit. Illit immikkoortortaqarfippillu allanit tunniussat tatigalugit akuersaarussigik oqaloqatigiinnerit siuarsarneqassapput. Oqaloqatigiinnikkut suliffeqarfimmi suliassat suliarineqarnissaat pillugit assigiinngitsunik suliallit suleqatigiilissapput.

Ullormi pikkorissarfiusumi pisortatut suliassaq siulianiittoq pingaarnertut sammineqartussaavoq.

+

Suliffeqarfiup inissisimaneranik nalinginnaasumillu inuiaqatigiinnut immikkut akisussaaneranik paasinnittussaavutit. Taamaattumik qitiusumik allaffeqarfik pillugu isummernissat naammanngilaq; suliassanik suliarinninnerit pisortat immikkoortortaanni allani suleqateqarnikkut aamma innuttaasunik, atuisartunik, suliffeqarfinnillu peqataatitsinikkut pissaaq.

Soqutigisallit attuumassuteqartut suliassanik suliarinninnissaat pillugit peqataatitsinissat qulakkeertussaavat. Suliffeqarfimmi suliatigut avatangiisit nukittuujussapput imminnullu mattutissanatik. Illit aqutsisutut avatangiisivit peqataatinneqarnissaannut sulisinnissaannullu tunngavissiinissat suliassaraat. Tamatuma malitsigisaanik suleqataasut avataaneersut ilisimasaannik eqikkaassaatit tamakkulu atorneqarnissaannut pingaarnersiuissaatit - tamakku imaassinnaavoq innuttaasuneersut, suliffeqarfinneersut aamma nunami aamma nunarsuarmit tamarmit suliffeqarfinneersuusut.

Pitsaasumik aqutsinermut tunngavissat ilisimassavatit taakkulu malillugit pissusilersortarlutit. Avatangiisitit suliffeqarfimmik suliassanillu suliarisassanik paasinninnissaminnut periarfissaqassapput. Taamaalillutit aalajangiiniarnermi aalajangersimasumi qaqugukkut qanorlu sunniuteqartoqarsinnaanersoq ilisimaarissavat.

Avammut attaveqartarnissat/nalunaaruteqartarnissat aamma suliassat paasiuminartuunissaat qulakkiissavatit. Innuttaasumik qanilaartumik pitsaasumillu siunnerfeqarluartumik ataavartumillu attaveqaqatigiinnissaq pingaaruteqarpoq.

Ullormi pikkorissarfiusumi pisortatut suliassaq siulianiittoq pingaarnertut sammineqartussaavoq.

Pikkorissarnerup nalaanni periutsit piviusut makku sammineqassapput:

• Suliffeqarfimmi pisortatigoortumik ilusilersuilernissamut aamma pisortatigoortuunngitsumik attaveqaatit oqaloqatigiittalernissaannut suleqatigiilernissaannullu qanoq peqataassavit?
• Inuiaqatigiinnut tamanut innuttaanullu tamanut iluaqutaasumik sulisunik tunniussinissat tigusaqarnissallu qanoq isumaqarfigaajuk?
• Suliffeqarfimmi sulisut ilaat qaqugukkut peqataatinneqassanersut paasereerpiuk?
• Illit immikkoortortaqarfinniittut suliffeqarfiup ilaattut misiginissaannut qanoq iliussavit? tamatumani immikkoortortaqarfiit akornanni suleqatigiinneq piumasaqaataalluni.
• Suleqatitit suliffeqarfimmi orniguttuunissaannut ilisimasanillu avitseqateqartarnissaannut qanoq piareersassavigit?

+

Pikkorissarnerup nalaanni periutsit piviusut makku sammineqassapput:

• Soqutigisaqaqatigiit attuumassuteqartut peqataatinniarlugit qanoq iliortarpit?
• Soqutigisaqaqatigiit attuumassuteqartut nassaassaanersut qanoq qulakkiissaviuk?
• Illit immikkoortortaqarfippillu pitsaasumik aqutsinissamut tunngavissat qanoq malippisigik?
• Immikkoortortaqarfissinni qanoq pisoqarneranik avatangiisivinnut paasitinniarlugu qanoq iliortarpit?

 Periuseq:

Saqqummiineq naatsoq, sungiusarneq, utertitsiviginninneq, kingumut qiviarneq oqallinnerillu. Aqutsisup ataatsip allat ilagalugit inissisimaffini oqallisigissavaa. Immikkut periuutsimik pilersaarusiornikkut inernerisanit ilinniarneq ataavartinneqassaaq.

Naalakkersuisut qitiusumik allaffeqarfianni aqutsisuuvutit.