Illit aqutsisutut suliassat isumaginissaannut suliarineqarnissaannullu ataatsimut takunnissinnaasussaavutit. Suliassanik isumaginninnerit tunngavissinniarlugit unammillernissaq suliassarivat, sunniuteqarluartunngortillugu. Tamanna piumasaqaatinut, peqqajaasunut suliassanullu timitaliilluni suliniuteqarnissamik piumasaqaatitaqarpoq, taamaattorli tamanna pissutigalugu ulluinnarni suliassat aqussinnaajunnaarnagit.

Ineriartortitsinissamut piffissamik immikkoortitsillutillu pingaarnersiuissaatit. Immikkoortortaqarfiit aallaavigalugu suliffeqarfimmik ineriartortitsinermut suleqataassaatit, taamaalillutik suliffeqarfik immikkoortortaqarfiillu pissutsinut malinnaaniassammata aammalu nutaamik aaqqissuussineq (suleqatigeeriaatsillu eqqarsaatigalugit eqaatsuuniassammata. Tamanna illit sulisullu periarfissanik nutaanik tigusisinnaanerannut tunngavissiisoqarneranik kinguneqassaaq.

Ingerlaavartumik isummersorneqartassaatit, takunnissinnaallutit aamma ilisimasanik pissarsiornikkut arajutsinianngillutit tamannalu ilutigalugu suliassat qanoq isumagineqarnissaannut oqaasertalersuillutillu unammillerlutit. Tamanna digitalikkut periarfissanik pingaarnersiuinikkut pissaaq aamma tamanna atortunik sulinernillu imminut isumaginnittunngorsaanermut (automatisering) iluaqutaassapput, tamanna ajornanngippat.

Najukkami avatangiisini nunarsuarmilu tamarmi suut piartuaarnersut qanoq ilinnut, illit immikkoortortaqarfinnut, suliffeqarfimmut suliassanillu isumaginninnernut attuumassuteqarnersut eqqumaffigissavatit.

Immikkoortortaqarfinni najukkami najoqqutassaq naleqqussarlugu ineriartortitsisoqassaaq. Sulisunut suliniutit nutaat allanngornerillu ilisimatitsissutiginissaat nassuiaatiginissaallu isumagissavat, taamaalillutik sulisunut tamakku isumaqalerniassammata atuuttussanngortinneqarnissaannullu piffissamik immikkoortitsisoqarniassammat.

Ullormi pikkorissarfiusumi pisortatut suliassaq siulianiittoq pingaarnertut sammineqartussaavoq.

Pikkorissarnerup nalaanni periutsit piviusut makku sammineqassapput:

• Patajaatsumik ingerlatsinerup ineriartortitsinerillu akornanni qanoq oqimaaqatigiissitsissavit?
• Suliassat allat tamaasa ineriartortinneqarnissaannut piffissat qanoq pingaarnersiortarpiuk?
• Sulisut suliassanik isumaginninneranni sulisut ineriartornissaannut qanoq isummersorsinnaavigit?
• Ineriartornerup najukkani pissutsinut naleqqussarneqarnissaanut qanoq iliussavit?

 Periuseq:

Saqqummiineq naatsoq, sungiusarneq, utertitsiviginninneq, kingumut qiviarneq oqallinnerillu. Aqutsisup ataatsip allat ilagalugit inissisimaffini oqallisigissavaa. Immikkut periuutsimik pilersaarusiornikkut inernerisanit ilinniarneq ataavartinneqassaaq.

Naalakkersuisut qitiusumik allaffeqarfianni aqutsisuuvutit.