Suleqatigiinnik aqutsineq - 5 ECTS point, AU-fag
'Suleqatigiinnik aqutsisuuneq' suleqatigiit suleqatigiinni aqutsisuuneq pillugu teorii aallaavigalugu tapersersornissaat, pilersinnissaat ineriartortinnissaallu ilinniassavatit. Tamatuma saniatigut sinaakkutissat erseqqissarnissaannut sulianillu aqutsinissamut, suleqatigiilluarnermut, sunniuteqarluarnermut angusaqarluarnermullu tunngatillugu, atortorissaarutinik piviusunik pissarsissaatit.
Suleqatigiinnik aqutsinermik ilinniartitsissut sammisanut assigiinngitsunut agguataarsimavoq, matumani teorii aamma periaaseq ataqatigiissinneqartuarlutik, tassa imaappoq ilisimasat nutaat angerlaanneqarsinnaallutik ingerlaannarlu atulerlugit.
Suleqatigiinnik aqutsineq pitsaanerulersitsinissamut, kajumilersitsinissamut pitsaanerpaamillu angusaqarnissamut paasisimasaqarnissaq piumassuseqarnerlu pisariaqarput. Taamaattumik illit aqutsisuuninnut suleqatigiinnulluunniit peqataanissannut immikkut piumasaqaateqarpoq. 'Suleqatigiinnik aqutsinermi' teorii tunngavigalugu suleqatigiinnik aqutsineq ilinniassavat suleqatigiillu atugassarititaasunik pitsaanerpaanik pilersitsiffigalugit.
Suliffeqarfinni amerlanerusuni sulianik naammassisaqartarnerit amerlanerujussuit suliffeqarfiup iluani suliassallu assigiinngitsut akornanni suleqatigiilluni naammassineqartarmata ilisimalikkatit pisariaqartinneqarneruleraluttuinnarput. Suliffeqarfimmi suleqatigiinnermik tunngavilimmi periarfissat atorluarsinnaaniarlugit aqutseriaatsit allat piumasaqaatigineqassapput, taakkulu modulimi ilinniassavatit.
Illit pikkorissartitsinermi peqataasutut namminneq misilittakkannik suliassannillu unamminartunik tunniussaqarnissat aamma ataatsimoorussanik sakkussanik ineriartortitsinernut timitaliillutit peqataanissat naatsorsuutigineqarpoq. Ilinniartitsineq teorii periaatsillu tunngavigalugit ingerlanneqassaaq, sammisanullu ataasiakkaanut tamanut sungiusaanerit piviusuusaartitsillunilu suliat ilaatinneqartassallutik.
Ilinniartitsissut Erhvervsakademi Dania suleqatigalugu neqeroorutigineqarpoq.
Paasissutissat pisariallit
Aallartiffissap ullua
22 Apriili 2024
Naammassiffissap ullua
26 Apriili 2024
Ullut pikkorissarfiit:
5
Nalunaarfissaq kingulleq:
8 Apriili 2024
Peqataasussat amerlanerpaaffissaat:
20
Pikkorissaaffiup sumiiffia:
Hotel Hans Egede
Sumiiffik:
Aqqusinersuaq
3900
Nuuk
Sermersooq Kommune
Grønland
Deltager pris:
14500 DKK
Pikkorissaanerup imarisaa
Suleqatigiinni aqutsisuunermik ilinniartitsissummi siunertaapput, suliffeqarfimmi suleqatigiinnermik tunngavilimmik nalilersuinissamut, ineriartortitsinissamut atuinissamullu ilisimasanik, pikkoriffigisanik piginnaasanillu ineriartortitsinissaq tassuunakkullu suleqatigiinni suleqatigiinnermik, sunniuteqarluarnermik angusaqarluarnermillu ineriartortitsisunik sinaakkutissat erseqqissarnissaannut sulianillu aqutsinissamut piginnaasaqarnerulernissat.
Illit aqutsisutut teorii periaaserlu tunngavigalugit qanoq aqutsisoqatigiinnik, suleqatigiinnik aqutsisunik aamma suleqatigiinnik aqutsinermik piginnaanngorsaasinnaanerit pingaartinneqarpoq. Moduli toqqagassaq taamaattumik ukununnga tunngavoq:
- Suleqatigiinnik, suleqatigiinnilu allanngorarsinnaasunik immikkut ittunik sulianillu paasisimasaqarneq
- Suleqatigiilluni pilersitsineq, ineriartortitsineq akuliunnerlu
- Suleqatigiinnik aqutsinermut atatillugu aqutseriaatsit assigiinngitsut
- Aqutsineq aamma suleqatigiinnik ineriartortitsinermut sakkunik periutsinillu atuinikkut suleqatigiit ingerlanerinik ajornannginnerulersitsineq
Sammisat suliarineqartut taamaattumik ukuussapput
- Suleqatigiinnik eqimattanillu nassuiaaneq
- Teoriit, Tuckmans faser, suleqatigiit angusaqarluartartut, 6 x R
- Kajumissuseq piginnaanerlu
- Imminut aaqqissuuneq, isumaqalersitsineq attaveqaqatigiinnerlu
- Aaqqiagiinnginnernik aaqqiineq
- Nunarsuaq tamakkerlugu internetikkullu suleqatigiit
Ilitsersuisoq
Trine Egede
Trine Egede Kalaallit Nunaanni Danmarkimilu namminersortuni pisortanilu HR Ineriartortitsinermi Aqutsisunut siunnersortitut ilinniartitsisutullu sulisutut ukiut 20-t sinnerlugit ilinniartitsinermik aqutsisullu pillugit misilittagaqartuuvoq.
Kalaallit Nunaanni ukiuni 15-ini najugaqarsimavoq, taamatuttaarlu namminersortuni pisortanilu aqutsinerit pillugit ukiuni amerlasuuni misilittagaqartuulluni. Immikkut piginnaaneqarfigai suliniutit ingerlatsinermilu aqutsineq, aaqqissuussaanermik ineriartortitsineq, sulisilluni avatangiisit aamma sulisunik aqutsineq, taamatuttaarlu nunani avannarlerni atorneqartartunik aqutsinermut atugassiissutinik arlalinnik ineriartortitsinermi peqataasartuulluni.
Sullinniakkat
- Suleqatigiinnik aqutsineq ilinnut suleqatigiinnik aqutsisuuninni pitsanngorsaarusuttumut naatsorsuussaavoq. Suleqatigiit imaattut peqataaffigalugillu aquppatit: • Aqutsisoq sulianut assigiinngitsunut immikkoortinneqarsimasunik sulisulik • Pisortat namminertortullu suliffeqarfiutaanni suleqatigiinnik aqutsisoq • Suliniummut aqutsisoq
- suleqatigiinnermut teoriinik suleqatigiinnerullu ingerlaneranik ilisimasaqarusuttoq • Nuna tamakkerlugu nunarsuarmilu suleqatigiinnut aqutsisoq
Naatsorsuutigineqartut
Akuerineqassaguit ilinniarnertuunngorniarfimmi, inuussutissarsiummut attuumassutilimmut ilinniakkamik tunngaviusumilluunniit inersimasunut ilinniakkamik attuumassutilimmik (GVU) naammassisimassaatit minnerpaamillu ukiuni marlunni inuussutissarsiummik misilittagaqarsimassallutit.
Aaqqissuisoq
Paasissutissat pisariallit
Aallartiffissap ullua
22 Apriili 2024
Naammassiffissap ullua
26 Apriili 2024
Ullut pikkorissarfiit:
5
Nalunaarfissaq kingulleq:
8 Apriili 2024
Peqataasussat amerlanerpaaffissaat:
20
Pikkorissaaffiup sumiiffia:
Hotel Hans Egede
Sumiiffik:
Aqqusinersuaq
3900
Nuuk
Sermersooq Kommune
Grønland
Deltager pris:
14500 DKK
Suleqatigiinnik aqutsineq - 5 ECTS point, AU-fag
- Oqaatsit: Dansk
- Sivisussusaa: 5 Ullut
- Nuuk
- 22 Apriili 2024