navigation

Aqutsineq 1

Pikkorissarnerup nanginneranut Aqutsineq 2-mut peqataaniaruit immikkut nalunaarutigissooq.

Aqutsineq 1-ip siunertarivaa illit aqutsinermi periutsit, ileqqut aqutsisuulluarnermullu siunnertarnerit ilisimalernissai. Aqutseriaatsip Qimusseq aqutsisup sulisullu akunnerminni ataqatigiinnerannut sunniutaasartunullu sumiissusersinissannut atorsinnaasat ilisaritinneqassaaq. Pikkorissarneq kalaallisut ingerlanneqassaaq.

Pikkorissarnermi qulequttat uku sammineqassapput,

  • Aqutsinermi ineriartortitsinerup ilisaritinnera
  • Illit aqutsisutut aqutsinerullu suuneranik sammisaqarneq
  • Aqutseriaaseq Qimusseq ilisaritinnera
  • Aqutsisutut pissuseqartarnermut ilisimasassat
  • Pisoq aallavigalugu aqutsinerup ilisaritinnera
  • Illit aqutsisutut ineriartornissannut anguniakkatit
  • Ingerlariaqqiffiup tullissaanut pilersaarut

Pikkorissarnerneq saqqummiinermik sungiusaqatigiinnermillu paarlakaattumik ingerlanneqassaaq, peqataasut isumaat assigiinngitsut inissaqartinneqassapput, sammineqartullu ulluinnarni sulinermut naleqqersuullugit eqqartueqatigiinneq aamma ingerlanneqartarumaarluni.

Paasissutissat pisariallit

Aallartiffissap ullua

9 Oktobari 2024

Naammassiffissap ullua

11 Oktobari 2024

Ullut pikkorissarfiit:

3

Nalunaarfissaq kingulleq:

11 Septembari 2024

Peqataasussat amerlanerpaaffissaat:

14

Pikkorissaaffiup sumiiffia:

Kompetencehuset (overetage)

Sumiiffik:

H.J. Rinksvej 45

3900

Nuuk

Sermersooq Kommune

Grønland

Deltager pris:

8000 DKK

Ilitsersuisoq

Malene Jensen

Malene ukiut 30 sinnerlugit sulisugissaanermik suliaqartuuvoq, taamaalilluni Kalaallit Nunaat tamakkerlugu pikkorissaanerit assigiinngitsut ingerlattarivai oqartussat namminersortullu suliffeqarfiutaanni.

Sullinniakkat

  • Ingerlariaqqiffiusumik tunngaviusumillu aqutsinermut pikkorissarneq ilinnut naleqquppoq
  • aqutsinermi nutaajuguit imaluunniit aqutsisunngussamaaruit
  • taamatullu aqutsisuulluarnerup tunngavigisai assigiinngitsut ilinniarusukkukkit.

Aaqqissuisoq

HR Udvikling

Formandens Departement, Grønlands Selvstyre

34 58 28

kursus@nanoq.gl

Paasissutissat pisariallit

Aallartiffissap ullua

9 Oktobari 2024

Naammassiffissap ullua

11 Oktobari 2024

Ullut pikkorissarfiit:

3

Nalunaarfissaq kingulleq:

11 Septembari 2024

Peqataasussat amerlanerpaaffissaat:

14

Pikkorissaaffiup sumiiffia:

Kompetencehuset (overetage)

Sumiiffik:

H.J. Rinksvej 45

3900

Nuuk

Sermersooq Kommune

Grønland

Deltager pris:

8000 DKK

Aqutsineq 1

  • Oqaatsit: Grønlandsk
  • Sivisussusaa: 3 Ullut
  • Nuuk
  • 9 Oktobari 2024

Terms & Conditions

 

Peqataanermut akiliut


Nerisaqartitsineq, pikkorissarnermi ini atorneqartoq pikkorissaasorlu peqataanermut akiliutinit matussuserneqassapput. Timmisartumik angalanerit ullormusiallu FOKU-mit MATUSSUSERNEQASSANNGILLAT. Pikkorissarnerup naammassinerani GLN normu aqqutigalugu peqataanermut akileeqqusisoqassaaq.


Taamaatitsineq/peqataasussakippallaarnera pissutigalugu nuutsitsineq


Pikkorissariartussani timmisartukkut bilitsimik unnuisarfimmilu unnuinissamut inniminniisoqarsimappat ajornanngippat pikkorissartitsinissat tamarmik ingerlanneqassapput. FOKU imminut pisinnaatippoq pisariaqarpat pikkorissarnermik nuutsitsinissamut taamaatitsinissamulluunniit.


Napparsimaneq immikkorluinnarlu pisoqarnera pissutigalugit taamaatitsineq


Napparsimaneq, sila kiisalu immikkorluinnaq pisoqartarnera FOKU-mit aqunneqarsinnaanngillat aammalu taamaatiinnartut FOKU-mit akisussaaffigineqarsinnaanngillat.


Nerisaqartitsineq


Pikkorissarluni nerisaqarnermi tamatigut ullup-qeqqasiorneq, ualikkut kaagisorneq, kaffisorneq (ulloq naallugu) ilaapput. Pikkorissarnermi ullaakkorsiorneq ilaanngilaq, taamaattorli tamussigassanik sassaallertoqakkajussaaq.


Taamaatitsilluni nalunaaruteqarneq


PIkkorissarnissanik taamaatitsinissamik piffissaliussaq tassaavoq pikkorissarnissat ataasiakkaat pillugit nittartakkami paasissutissiissutigineqartoq. Nalunaarnermi piffissaliussap pinnginnerani taamaatitsiinnarneq nalunaarutigineqarpat atuisutut akiliutissamik akileeqqusisoqassanngilaq.

Taamaatitsiinnarneq nalunaarnissamut piffissaliussap qaangiunnerani pippat (imaluunniit takkutinngitsoorneq imaluunniit ilaatigut takkutinngitsoortarneq pineqarpat), takkutinngitsoornermut pissutaasoq apeqqutaatinnagu pikkorissarnissamut atuisup akiliutissaa tamakkerlugu akileqquneqassaaq.

Peqataaniarluni nalunaarnissamut piffissaliussap pinnginnerani peqataaniarluni allakkatigut nalunaarfissaq atorlugu pikkorissarnissamik taamaatitsisoqassaaq. Taamaatitsineq allakkatigut aamma piffissaq eqqorlugu pinngippat peqataanermut akiliummik tamakkiisumik akileeqqusinissamut allattoqarfik imminnut pisussaatippoq.

 

Malugiuk:


Pisortannit aamma pikkorissarnermi akisussaasumit akuerineqarpat aatsaat nalunaarnerit atuutilissammat. Pikkorissarnissamut peqataanissavit nalunaarutigineqarnerata imaluunniit nalunaarutigineqarsimannginnerata ilisimatitsissutiginissaa pisortavit isumagisassaraa.

Aqutsineq 1

  • Oqaatsit: Grønlandsk
  • Sivisussusaa: 3 Ullut
  • Nuuk
  • 9 Oktobari 2024