Aqutsineq pissusissamisoortoq, aqutsisunut ulluinnarni atukkanut tunngatillugu ilinniarneruvoq,  ilinniarnerullu taassuma ilisimasat nutaat ingerlaannaq angerlaassinnaanerat ingerlaannarlu atulersinnaanerat aqqutissiuutissavaa.  Ilinniarnermi iserfissani assigiinngitsuni aqqusaagaqassaagut   taamaattumillu ilinniartunut naatsorsuutaavoq modulit aallartinnginnerini piareersarluarsimanissaat, modulinut namminneq misilittakkatik aallaavigalugit peqataasarnissaat aammalu modulik akornganni attaveqaqatigiinnissamut eqimattakkaani naapittarnissaat naatsorsuutigineqarpoq. Pikkorissarnerup ilaa pisuttuarnertut ingerlanneqassaaq.

Aqutsisutut aaqqissuussami ullutsinnut naleqquttumi imminut maleruaanermi pisariaqavissut immikkut qitiutinneqassapput, tassaasullu imminut aqussinnaaneq, allannguinermi aqutsineq, piorsarsimassutsimi aqutsineq, akerleriffinni aqutsineq aammalu ilisimasariinni aqutsineq.

Ilinniartitsissummi teorit allaaserisat aammalu ulluinnarni aqqusaartakkat paarlakaajaatillugit sammisarumaarpagut, taamatuttaaq modulit ingerlaneranni allaaserisat aamma periuutsit assigiinngitsut misilittarneqarsinnaajumaarlutik.

Ilinniarnermi ilinniagartuutut sammisami Ulluinnarni Aqutsineq ilaassaaq, sammisarlu tamaat oqaluttariarsornermi  misilitsinnermik naammassineqassalluni, taannalu ilaasut ulluinnarni aqutsinerminni  nalaattakkatik aallaavigalugit allattariarsornikkut misilitsinnermik naatsumik suliamik aallaaveqassalluni.

Pikkorissarnerup imarisaa
Pikkorissarneq ima imaqarpoq:

• Ajornakusoorfinni aqutsineq
• Aqutsinermi akerleriiffiit – nalorninermi aammalu iliorsinnaanermi
• Aqutsisup iluani piujuartitsineq aammalu aaqqissuussatut piujuartitsineq
• Sulerusussuseqalersitsinermi piorsarsimassutsimilu aqutsineq
• Inissisimavik aammalu aaqqiagiinnginnermi nalerisaanermi suliaqarneq
• Ataatsimiinnermik aqutsineq aammalu ingerlassani aqutsisuuneq

Modulinik sisamanik ima agguataarneqarput:

Modul 1: Ajornakusoorfinni aqutsineq – akerleriinnerup inissisimavii  29.-30. Maj 2024
Aaqqissuussat aaqqissuussatigut ataqatigiiaanik aammalu illuatungeriilluni sunniuteqarfiusartunik inissisimaveqarput.  Tamanna aqutsisutut aqutsiniarnermi ingerlaarfigissallugu ajornakusoorsinnaavoq. Aaqqissuussami immikkoortortat qanoq imminnut sunnersinnaaneri sammissavagut, qanoq asip aqutsisuulluarnissamut isumassarsiorfittut aqqutissiuisinnaanera kiisalu nunarsuarmi aqutsisunut sulisunullu piumasaqaatinik annertusiartortunik piffimi qanoq aqutsisoqarsinnaanera sammissallutigu. Sulerusulersitsilluni piumassuseqalersitsisartuni arfineq marluusuni ilisimasaqalerlutalu paasinnilissaagut aammalu qanoq taakku atugarissaarnerulernissamut aqqutissiuisinnaanerat, aaqqiissuussami piujuartitsisinnaalersinnaaneq aammalu aaqqiissuussami tamani aqutsisuni piginnaasat qaffanneqarsinnaanerannut paasisaqarfigissallugu. Aqutsisutut alapernaassuserput aamma sammissavarput taamaasilluta ajornakusoorfiusuni ajunnginnermik inissisimasinnaassuserput sammissallugu.

Modul 2: Allat aqutsisuuffigisinnaajumallugit imminut aqunneq 18.-19. september 2024
Modulimi uani imminut aqussinnaaneq aammalu aqutsisup iluani piujuartitsineq sammissavarput. Ullutsinni aqutsinermi akerleriinnerit misissuataassavagut aammalu aqutsisup namminermi akerleriinnerit suliarissallutigit. Aqutsisuttaaq pingaartitai suliarissavagut aammalu aqutsisutut piginnaassutsit sorliit inerisaqqinnissaat pingaaruteqarnersoq sammissallugit. ingerlanermi uani  maani killiffik asimi pisunnermik ingerlasoqassaaq kiisalu imaatigut angalaneq aammalu asimiinneq ingerlanneqassallutik. aq.

Modul 3: Ilisarimasareqatigiinnermi aqutsineq (1) 27.-28. november 2024
Modulimi uani qanoq ingerlatsilluarnerneq suleqatigiinnut peqataanerulersitsisinnaasoq kiisalu, piginneqataasutut misigilersitsineq aamma malinnaaqatigiinnerup pilersinneqarsinnaaneranik suliaqassaagut. Ataatsimiisitsinermi aqutsineq qanoq ingerlanneqarnissaa aammalu suleqatigiinni peqataalluarnissamut misigissutsimik pilersitsineq, ilisimaqatigiinnermi nukittorsaaneq aammalu paasinneqatigiissinnaaneq tunngaviliiffigeqataanera isiginiassavagut. Piorsarsimassuseq aqqutigalugu aqutsineq isiginiassavarput aammalu aqutsisup qanoq taanna inissisimaffigineraa aammalu ataatsimut pitsaasumik inerneqartitsissagutta qanoq inissisimaneq pingaaruteqartiginera iserfigissavarput.

Modul 4:
 Ilisarisimaqatigiinnik aqutsineq (2) 29.-30. januar 2025
Modulimi uani ingerlatsivimmi sulisut qanoq qasukkarsinnaaneri taamatullu suleqatigiinni piginnaasat assigiinngitsut saqquminerulersinniarlugit suliarissavagut. Inerisaaqqissinnaasutut aqutsinermik paasisaqarnerussaagut aammalu qanoq ingerlatsivimmi aalajangiinerit paasinarsarlugit pikkoriffiginerulerlugit. Tamatuma saniatigut aaqqiagiinnginnerni isumaqatigiisitsiniarneq aamma qanoq ingerlatsivimmi  oqaloqatigiinnerup ajornakusoortop ingerlanneqarsinnaaneranik sammisaqassaagut.

Paasissutissat pingaarutillit:

Modulit pisussat eqqaanni ulloq piffik allaqqassaaq
Pikkorissarfik:    modul 1, 3 aamma 4 , Hotel Hans Egede,  Nuuk
                modul 2 : Hotel Arctic, Ilulissat

Modul 2-mut Ilulissanut timmisartukkut angallannermut siumut utimullu aammalu unnuiffissanut aningaasartuutissaat naatsorsuutigineqassapput. Unnuiffissat inniminneerneqarnikuupput taamaattorli nammineq timmisartumut inniminniisoqassaaq.

Aki: 23.500 angalaneq, najugaqarneq aamma piffissami pikkorissarnerup avataani nerisaqarneq ilanngunnagit

Akuerisaanissamut ukiuni minnerpaamik marlunnik inuussutissarsiutigalugu suliffeqarsimassaatit aammalu ataani allassimasuni ilinniagaqarsimassallutit:

• Inuussutissarsiornermut attuumassuteqartumik ilinniarsimasut
• Inersimasutut tunngaviusumik ilinniarsimasut
• Ilinniarnertuunngorniarnermik ilinniarsimasut
• Ilinniagaq alla attuumassuteqartoq matuma qulaaniittunut assingusoq imaluunniit qaffasinnerusoq

Akuerisaanissamut piumasaqaatit naammassisinnaanngiligit? Akuerisaanissamut piumasaqaatinut assinsusumik ilinniakkamik naammassinnissimaguit imaluunniit piumasaqaataasut tunngavigalugit piginnaaneqarnerit aallaavigalugu akuerisaasinnaavutit. Tamanna pikkorissarnermi aqutsisup ataasiakkaaraluni piginnaanernik nalilersuinermini aalajangissavaa.