navigation

Kalaallisut oqaasilinnut oqaasilerineq

– Modul 1

Uani pikkorissaanermi oqaasilerineq pisortaqarfinnilu allaffissornermi oqaatsit atorneqartut samminneqassapput. Oqaasilerinermi oqaaseqatigiit tulleriiaarneri uiguutinillu atuineq peqqutaalluni isummanik allannguisoqarsinnaanera sammineqassapput, suliassaaqqanillu annikitsunik oqaaseqatigiiliortoqartassaluni. Pisortaqarfinni oqaatsit atorneqartut pillugit suut aallaavigineqartarsinnaanersut, kiisalu eqqumaffigisassat sammineqassallutik. Pikkorissarneq sulisunut kalaallisut oqaasilinnut tulluarsagaavoq.

Paasissutissat pisariallit

Aallartiffissap ullua

23 Septembari 2025

Naammassiffissap ullua

23 Septembari 2025

Ullut pikkorissarfiit:

1

Nalunaarfissaq kingulleq:

2 Septembari 2025

Peqataasussat amerlanerpaaffissaat:

12

Pikkorissaaffiup sumiiffia:

Mødelokale Frederik Lynge

Sumiiffik:

Imaneq 4

Deltager pris:

500 DKK

Pikkorissaanerup imarisaa

Ullormut sammisassat:

Kl. 08:30 – 08:45: Ilisaritinneq

Kl. 08.45 – 09:30: Oqaasilerineq (oqaasilerinermi ilinniartitsineq assersuutitalik

     suliassaarartalillu)

Kl. 09:30 – 10:00: Suliarisimasat pillugit eqqartuineq

Kl. 10:00 – 10:15: Unillatsiarneq

Kl. 10:15 – 10:30: Oqaasilerinermi inaarinninneq

Kl. 10:30 – 11:30: Pisortaqarfinni allaffisornermi oqaatsit atorneqartut pillugit saqqummiineq

Kl. 11:30 – 12:00:  Eqikkaaneq naggasiinerlu

Ilitsersuisoq

Eva Brandt Petersen Olsen

Imminut ilisaritinneq

Eva Brandt Petersen Olsenimik ateqarpunga. 39-nik ukioqarpunga, Nuummilu uiga ernigullu marluk najugaqatigaakka. Qasigiannguani inunngorpunga, meeqqallu atuarfiat naammassigakku ilinniarnera ingerlateqqinniarlugu illoqarfinniit aallarlunga.

Københavns Universitetimi ’eskimologi’, maannakkut ‘grønlandske og arktiske studier’-mik taaneqartartoq, ilinniagarivara ilinniarninnilu ilaatigut silaannaap allanngoriartornera ilutigalugu periutsit nalimmassarneqartarneri, Namminersornerulerneq, oqaatsit ineriartornerat oqaasilerinerlu kiisalu inuiaqatigiinni allannguutit sammisarisimallugit. Sammisanilu tamani kalaallit aamma Nunarput pingaarnertut sammisarisimallugit. 2012-imi ilinniakkannik naammassigama Nuummi meeqqat atuarfianni ilinniartitsisutut 2019 tikillugu suleqqaarpunga. Kingorna Namminersorlutik Oqartussat ataanni, AUA-mi oqalutsitut aqutsisutut 2024 tikillugu atorfeqarlunga. Maannakkut namminersortuaqqatut ingerlavunga.

Sullinniakkat

  • Sulisut kalaallisut oqaluttut

Aaqqissuisoq

HR Udvikling

Formandens Departement, Grønlands Selvstyre

34 58 28

kursus@nanoq.gl

Paasissutissat pisariallit

Aallartiffissap ullua

23 Septembari 2025

Naammassiffissap ullua

23 Septembari 2025

Ullut pikkorissarfiit:

1

Nalunaarfissaq kingulleq:

2 Septembari 2025

Peqataasussat amerlanerpaaffissaat:

12

Pikkorissaaffiup sumiiffia:

Mødelokale Frederik Lynge

Sumiiffik:

Imaneq 4

Deltager pris:

500 DKK

Kalaallisut oqaasilinnut oqaasilerineq

  • Oqaatsit: Grønlandsk
  • Sivisussusaa: 1 Ullut
  • 09:00 - 12:00

Terms & Conditions

 

Peqataanermut akiliut


Nerisaqartitsineq, pikkorissarnermi ini atorneqartoq pikkorissaasorlu peqataanermut akiliutinit matussuserneqassapput. Timmisartumik angalanerit ullormusiallu FOKU-mit MATUSSUSERNEQASSANNGILLAT. Pikkorissarnerup naammassinerani GLN normu aqqutigalugu peqataanermut akileeqqusisoqassaaq.


Taamaatitsineq/peqataasussakippallaarnera pissutigalugu nuutsitsineq


Pikkorissariartussani timmisartukkut bilitsimik unnuisarfimmilu unnuinissamut inniminniisoqarsimappat ajornanngippat pikkorissartitsinissat tamarmik ingerlanneqassapput. FOKU imminut pisinnaatippoq pisariaqarpat pikkorissarnermik nuutsitsinissamut taamaatitsinissamulluunniit.


Napparsimaneq immikkorluinnarlu pisoqarnera pissutigalugit taamaatitsineq


Napparsimaneq, sila kiisalu immikkorluinnaq pisoqartarnera FOKU-mit aqunneqarsinnaanngillat aammalu taamaatiinnartut FOKU-mit akisussaaffigineqarsinnaanngillat.


Nerisaqartitsineq


Pikkorissarluni nerisaqarnermi tamatigut ullup-qeqqasiorneq, ualikkut kaagisorneq, kaffisorneq (ulloq naallugu) ilaapput. Pikkorissarnermi ullaakkorsiorneq ilaanngilaq, taamaattorli tamussigassanik sassaallertoqakkajussaaq.


Taamaatitsilluni nalunaaruteqarneq


PIkkorissarnissanik taamaatitsinissamik piffissaliussaq tassaavoq pikkorissarnissat ataasiakkaat pillugit nittartakkami paasissutissiissutigineqartoq. Nalunaarnermi piffissaliussap pinnginnerani taamaatitsiinnarneq nalunaarutigineqarpat atuisutut akiliutissamik akileeqqusisoqassanngilaq.

Taamaatitsiinnarneq nalunaarnissamut piffissaliussap qaangiunnerani pippat (imaluunniit takkutinngitsoorneq imaluunniit ilaatigut takkutinngitsoortarneq pineqarpat), takkutinngitsoornermut pissutaasoq apeqqutaatinnagu pikkorissarnissamut atuisup akiliutissaa tamakkerlugu akileqquneqassaaq.

Peqataaniarluni nalunaarnissamut piffissaliussap pinnginnerani peqataaniarluni allakkatigut nalunaarfissaq atorlugu pikkorissarnissamik taamaatitsisoqassaaq. Taamaatitsineq allakkatigut aamma piffissaq eqqorlugu pinngippat peqataanermut akiliummik tamakkiisumik akileeqqusinissamut allattoqarfik imminnut pisussaatippoq.

 

Malugiuk:


Pisortannit aamma pikkorissarnermi akisussaasumit akuerineqarpat aatsaat nalunaarnerit atuutilissammat. Pikkorissarnissamut peqataanissavit nalunaarutigineqarnerata imaluunniit nalunaarutigineqarsimannginnerata ilisimatitsissutiginissaa pisortavit isumagisassaraa.

Kalaallisut oqaasilinnut oqaasilerineq

  • Oqaatsit: Grønlandsk
  • Sivisussusaa: 1 Ullut
  • 09:00 - 12:00