Aaqqiagiinngittarnerit & Suliffimmi tarnikkut toqqissisimaneq
Suleqataavunga aaqqiagiinnginnernullu atatillugu ilisimasakka annertusarusuppakka – suliffitsinni “silaannarmut” pitsaasumik kivitseqataasinnaanera suli annertusarusullu.

 Aaqqiagiinnginnerit inuunerup ilagimmagit suleqatit sullitallu akornanni pinngitsoorneqarsinnaasanngillat, tamannali isumaqanngilaq nuanniitsumik kinguneqartuassasut.

 Aaqqiagiinnginnerimmi ilinniarnissamut, ineriartornissamut, nutaaliornissamullu aqqutissiuussisuusinnaapput, kinguneqarluartussamik siunertalimmik qisuariarfigisarnerat aallukkaanni.

Ineriartuutaassappaluta inuttut nammineq uagut qanoq oqaatsinik atueriaaserput, annitseriaaserput, naalaarsinnaanerput aammalu pisumut qanoq qisuariarnerup eqqummaariffigineratigut pisoq najummassimanaraluartoq ajunngitsumik kinguneqarnissaanut aqqutissiuusseqataasinnaasarpugut.

 Aaqqiagiinnginnerit illit inuuninni, suliffinni qanoq pinaveersaartissinnaanerat, qanoq inerikkiartuutissanngorlugit qisuariarfigisarsinnaanerat, aaqqissuteqarfigisarsinnaanerallu pikkoriffiginerulerusukkukku una pikkorissarnissaq ilinnut tulluaqqissaarpoq.

 Pikkorissarnermi uku pissarsiarissavatit:

• Aaqqiagiinnginnerit assigiinngitsut – sumillu aallaveqarsinnaasarnerat
• Aaqqiagiinninnerit alliartortarnerat milliartortissinnaanerallu
• Illit nammineq allallu aaqqiagiingeriaasiisa paasinerunerat
• Imminut illersorluta iliuuserisartakkavut, attaveqaqatigiinnitsinnullu sunniutigasartagai.
• Ulluinnarni sulininni aaqqiagiinngittoqartillugu iml. aaqqiagiinnginnerit pinaveersaartinniarlugit attaveqariaatsit periutsillu atorluarsinnaasatit
• Tutsuiginartumik oqariartuuteqartarnissamut periuseq imminut attaveqaqatigisallu ataqqinerannik aallaavilik sungiusarlugulu ineriartorteqqinnissaanut sakkussaqalissaatit.
• Naalaaqqissaarnerup iluaqutissartai
• Qanoq iliorlutit aaqqiagiinnginneq illit nammineerlutit akuuffigisat pitsaasumik kinguneqarnissaannut iliuuseqartarsinnaanerit ilisimasaqarfigalugu eqqummaariffiginerulersinnaavat.
• Suliffik tarnikkut toqqissimanartup aaqqiagiinnerillu imminnut ataqatigiinnerat

Pikkorissaanermi periuseq atorneqartussaq:
Naatsumik pikkorissaasumiit saqqummiisoqartassaaq sungiusarnerit misilittaanerillu ingerlassallutik, taamaasillutik sammisat piviusumik qanoq atornissaat sungiusarneqassalluni.