Pikkorissarnerup siunertaa anguniagaalu:

Anguniagaavoq pikkorissaqataasut qulequttamik aaliangersimasumik sammisaqartitsisarnermut piareersaartarnermut, ingerlatsisarnermullu ilisimasaqarnerulernissaat, sulilu pikkorinnerulernissaat.

Una siunertaalluni sammisanut aaliangersimasunut sammisaqartitsisarnerup suli pitsaanerulernissaa, peqataatitsisarnerullu annertusarnissaa. Taamaasilluni piginneqataanerup piviusunngortitsisarnerullu oqinnerumik iluatsilluarnerusumillu ingerlasarnissaa pillugu.

Qulequttamik aaliangersimasumik sammissaqartitsineq atorneqartarpoq aaliangersimasumik naammassisaqarluni sammisaqarnerup naammasisarnissaa anguniagaangat.

Soorlu ataatsimiisitsinermi, suliaqaqatigiissitsinermi, pikkorissaanernik naatsunik ingerlatsinermi assigisaanilu.

Peqataasoq pikkorissareernermini ukununnga ilisimasaqarlunilu pikkorinnerulersimassaaq:

• Peqataasussat aallaavigalugit pilersaarusiorneq
• Peqataasut aallaavigalugit sinaakkusiisarneq
• Sammisassamut atatillugu ersarissumik SOOQ sammisassaq samminiarnerlugu ersarissaasarnissaq
• Qulequttamik aaliangersimasumik sammissaqartitsinerup aaqqissuunnera, sammisaqartitsinerullu piffiini assigiinngitsuni sungiusaatinik assigiinngitsunik atuisarnissaq.

Pikkorissarneq ilaatigut makkunannga imaqassaaq :

• Suliaqaqatigiinnermik ingerlatsisussatut peqataasussallu akornassinni ataatsimoorfissi inissittarnissaa
• Peqataasut alapernaannerata qanoq pilersisinnaasarnissaat
• Suliaqaqatigiissitsinerup ingerlanerani assigiinngitsuni sungiusaataasinnaasunut sungiusarneq
• Suliaqaqatigiissitsinermik pilersaarusiorneq: Ammaaneq, sammisap sammitinnera, matusinerlu
• Misigissutsinut, uummammut qaratsamullu oqariartortarneq

Pikkorissaanermi periuseq atorneqartussaq:

Naatsumik pikkorissaasumiit saqqummiisoqartassaaq sungiusarnerit misilittaanerillu ingerlassallutik, taamaasillutik sammisat piviusumik qanoq atornissaat sungiusarneqassalluni.