Pikkorissaanerup siunertaa:

Attaveqaqatigiilluarneq tassaavoq suleqatigiit akornanni suleqatigiilluarnissamut tunngavissaq. Pikkorisaanermi pingaarnertut sammineqarumaarpoq qanoq ililluni ersarissumik sunniuteqarluartumillu suliffeqarfiup iluani attaveqaqatigiittoqarsinnaanersoq taamaasillunilu suliffeqarfimmi kulturinik oqaatsinillu arlalinnik atuiffiusumi suleqatigiinneq nukittorsarneqarsinnaanersoq.

 Suliffeqarfimmi susassaqarfiit akornanni attaveqaqatigiinneq unammilernarsinnaasarpoq taamaattumillu attaveqaqatigiinnerup pitsanngorsarnissaanut sakkussat periaasissallu pillugit peqataasut pikkorissarneqarumaarlutik. Taakku peraatsit aqqutigalugit suleqatigiinnermi attaveqaqatigiinneq erseqqarissoq, paaseqatigiiffiusoq suleqatigiinnermilu tatigeqatigiinnerup annertusarnera anguneqarsinnaallutik. Pikkorissaanermi aamma kulturit assigiinngitsut akornanni attaveqaqatigiinneq attaveqaqatigiinnerlu angusaqarfiulluartoq sammineqarumaarlutik.

Pikkorissaanerup ingerlanerani peqataasut nammineq misilittakkatik tunngavigalugit assersuuteqarlutillu sulisarumaarput minnerunngitsumillu attaveqaqatigiinnermut tunngasunik tigussaasunik suliaqarumaarput pikkorissarnerup kingorna pikkorissartut suliffeqarfigisaannut pitsanngorsaataasinnaasunik.

Pikkorissaanerup imarisaa:

Pikkorissaanermi pikkorissaasoq saqqummiisarumaarpoq peqataasulli aamma eqimattani suliaqartarumaarput eqqartueqatigiinnerillu ingerlanneqartarumaarlutik.

Sammisat:

• Suliffeqarfiit iluanni attaveqaqatigiinneq.
• Ersarissumik sunniuteqarluartumillu attaveqaqatigiinnissamut periaatsit.
• Attaveqaqatigiinnermi sakkussat periaatsillu.
• Kulturit akornanni attaveqaqatigiinneq paaseqatigiinnerlu.
• Suliffeqarfiup iluani attaveqaqatiiginnermut periusissiorneq.
• Nammineq suliffeqarfigisami attaveqaqatigeeriaaseq – eqqarsaatersorneq sammisaqarnerlu.