Una ilinniagaq Danmarkimi ilinniagatuaavoq illit suleqatinnit suliat aallaavigalugit tapersersuinissannik ilinniarfiusinnaasoq.

Suleqatitsialanngornissat kisiat aallunneqassanngilaq – aammali suut tamarmik paatsiveerukkaangata illit tassaalissaatit eqqissisimalersitsillunilu tapersersuinissaminut piginnaasaqarlualersoq.

Inuit tuparujussuaqqasut qanoq naapinneqarsinnaaneri aamma upalungaarsimasut qanilaartuullutillu suliat isumannaallisarneqarnissaannik qanoq qulakkeerinnittoqartarnersoq illit ilinniassavatit.

Suleqatinnik  – kisimiillutit ataasiakkaarinnillutit eqimattanillu –oqaloqateqarnissat aamma aqutsisut suliffeqarfimmik pitsaanerpaamik suliaqarsinnaaneri artukkiinaveersaarinninnissaannillu siunnersorneri ilinniassavatit.

Upalungaarsimasutut aamma suleqatitut tapersersuinermik ilinniarnermi akisussaaffeqarusuttumut
- inuit allat artorsarnerini piviusumik allannguerusuttumut tulluartuuvoq.

Ilinniarsimaneq aallaavigalugu suleqammik tapersersuineq uani aallartinneqartarpoq.

Pikkorissarneq una ilinnut inunnut attaveqartarnerit pimoorullugit soqutigisalimmut sammitinneqarpoq.

Ilinnut suleqammik tapersersuinermi tusarnaarnerinnaq pineqarani - aammali inuit allat tusiapittut patajaatsumik nikorfalersinnaanerinik - pingaartitsisumoortuuvoq.

Suleqatip ajutoornermik, uippakajaarnermik imaluunniit sakkortuumik misigisaqarnerani suut iluaqutaasinnaanersut ilisimasaqarusuttumut sammisuuvoq.

Qisuariartaatsit tunuliaqutai paasiumaarpatit - aamma ajutoornerup nassatarisaanik qanoq eqqissititsisoqarsinnaanersoq, aaqqissuussisoqarsinnaanersoq paatsiveerunnerullu qeqqani suut tamarmik paasinarsitinneqarsinnaanersut paasiumaarpatit.

Upalungaarsimasutut aamma suleqatitut tapersersuinermik ilinniarneq suliffeqarnerni tamani sulisunut aqutsisunullu, ilinniarsimasutut suleqatinik tapersersuillutik sulerusuttunut, ilorrisimaarnermik upalungaarsimanermillu soqutiginnittunut sammisuuvoq.

Ilissi suliffeqarfimmik nukittunerulersitserusuttut - ulluni nuannersuinnarniunngitsoq, aammali pisariaqartuni - uani pineqarpusi.

Ilinniagaq naammassereerukku - illit nammineq suliatigullu - nukittussaatit.

Ajornartoornerit qanoq inuit sunnertarnerai kisiisa ilisimalissanngilatit. Aammali illit qanoriliortassanerlutit ilisimalissavat.

Oqaloqatigiinnerit eqqissinermik, aaqqissuussinermik isumallillu suliarisinnaalissavatit - aamma suut tamarmik paatsiveqanngitsuunerisa nalaanni.

Inuit ataasiakkaat ajornartoornermik uippakajaarnermilluunniit nalaataqartut tapersersorniarlugit periutsit Uippakajaartumik oqaloqateqarneq aamma Aaqqissuussaasumik ajortoqarnerani Oqaloqateqarneq®️ qanoq atorsinnaanerlugit ilinniassavatit, taakkua ilinnut iluaqutaassapput illersuissallutillu.

Sakkortuumik misigisaqarnerup kingorna sivikitsumik tarnikkut ikiueqqaarnermut piginnaasaqalissaatit aamma sakkortuumik misigisaqarnerup kinguninngua oqilisaassilluni oqaloqateqarnissamik piginnaasaqalersinneqassaatit – periutsit marluk taakku sakkortuumik misigisaqarnerup kingorna eqimattanik aqutsinissannik tapersersuinissannillu tunissavaatsit.

Pikkorissarnerup kingorna nunap immikkoortuisa ilaanni imaluunniit kommunimi ajutoortoqarnerata kingorna Peqqissutsimut aqutsisoqarfiup malittarisassaatai naapertorlugit upalungaarsimasuutitat annerusumik sulisinneqarnerini tapersersuisutut ilaassalissaatit.