Akissarsianik acontomik tunniussisoqarnissaanik qinnuteqarnermi pappiaqqamik immersugassaq siornatigut atorneqartartoq maanna Blanketportalimi digitalimik suleriaatsimik taarserneqarpoq. Sulisup akissarsiani piffissaagallartillugu tigusimanngippagit, imaluunniit akissarsiat, tapit aningaasalluunniit allat amigaataappata acontomik tunniussisoqarnissaanut immersugassaq nr. 7243 atorneqassaaq.

Akissarsianik acontomik tunniussisarneq digitalinngorpoq

Akissarsianik acontomik tunniussisoqarnissaanik qinnuteqarnermi pappiaqqamik immersugassaq siornatigut atorneqartartoq maanna Blanketportalimi digitalimik suleriaatsimik taarserneqarpoq.

Sulisup akissarsiani piffissaagallartillugu tigusimanngippagit, imaluunniit akissarsiat, tapit aningaasalluunniit allat amigaataappata acontomik tunniussisoqarnissaanut immersugassaq nr. 7243 atorneqassaaq.

Pappiaqqamik immersugassamit digitalimik suliarinninnermut

Immersugassaq digitaliusoq atorlugu qinnuteqaat aalajangersimasumik suleriaaseqarluni ingerlateqqinneqassaaq. Tamanna ilaatigut makkuninnga iluaqutissartaqarpoq:

• pappiaqqanik immersugassanik e-mailinillu atuineq suliarinninnerlu annikillissaaq

• suleriaaseq ataqatigiinnerulissaaq

• qinnuteqaatit paasissutissanik amigaateqartut ikinnerulissapput

• qinnuteqaatit inunnut eqqortunut sukkanerusumik ingerlateqqinneqassapput

• qinnuteqaatip suliarineqarnera sumut killinnersoq pitsaanerusumik malinnaavigineqarsinnaassaaq

Kina immersugassamik immersuissava?

Akissarsiat amigaataanerat immikkoortortaqarfiup akissarsianut paasissutissanik imaluunniit uppernarsaatinik kingusinaarluni nassiussineranik pissuteqarpat, immikkoortortaqarfiup Blanketportalimi qinnuteqaat pilersissavaa.

Kukkunerli imaluunniit amigaateqarneq Lønservicemit pissuteqarpat, Lønservicep acontomik tunniussineq suli nammineq isumagissavaa.

Ima iliussaatit

1. Blanketportali ammaruk.

2. Immersugassaq nr. 7243 ujarlugu nassaaruk.

3. Paasissutissat pisariaqartut immersoriarlugit immersugassaq nassiuguk.

Taamaattumik qinnuteqaatinut taakkununnga immersueriaaseq pappiaqqamut atorneqarunnaarpoq.

Malugiuk akissarsianut paasissutissanik nassiussinermi piffissaliussat allanngunngimmata. Tapit allanngorartut, arbejdssedelit atortussallu allat acontomik tunniussinissaq sapinngisamik pinngitsoortinniarlugu suli piffissaagallartillugu nassiunneqartassapput.