Pilersaarusiukkamik Pisiniartarnermut Allaffik

Pilersaarusiukkamik pisiniartarneq Ingerlatsinermut Aserfallatsaaliinermullu immikkoortortaqarfimmut aamma Pilersaarusiukkamik Pisiniartarnermut ilaavoq. Allaffiup Namminersorlutik Oqartussat sinnerlugit qitiusumik sinaakkutissatut isumaqatigiissutisiornerit isumagisarpai aamma Namminersorlutik Oqartussat immikkoortui allat neqeroorutinik isumaqatigiissutinillu ikiorlugit. 

Nanushop

Namminersorlutik Oqartussat pisiortornissamut pisariaqartitaat katersornerisigut ataqatigiissinnerisigullu nioqqutissat kiffartuussinerillu pillugit qitiusumi sinaakkusiussanut isumaqatigiissutini akit atugassarititaasullu pitsaanerusut kiisalu allaffissornikkut sipaarutissat anguneqartarput taamalu Namminersorlutik Oqartussat isumalluutaanik atuinermut sunniuteqarluarpoq. 

Sinaakkusiussanut isumaqatigiissutit Namminersorlutik Oqartussat nittartakkatigut pisiniarfianni  ”Nanushop"-imi pissarsiarineqarsinnaapput:  Nanushop-imut isertarfik

Ilaatigut ukununnga isumaqatigiissuteqartoqarpoq:

Aalajangersakkat

Pisiortortarnermut tunngasuni aalajangersakkat pingaaruteqarnerpaat tassaapput:

• Neqerooruteqartitsisarneq pillugu inatsit, pisortat neqeroortitsisarnerannut isumaqatigiissutinut tunngaviusut piumasaqaatillu aalajangersaasoq: Neqerooruteqartitsisarneq pillugu inatsimmut isertarfik aamma
• Pisiortortarnermut Kaajallaasitaq, akisussaaffiit agguataarneqarnerinut aamma Namminersorlutik Oqartussani pisiniarnermut nalinginnaasumik piumasaqaatinik naammassinninneq, matumani ilanngullugit pisiniarnerup ataqatigiissaarnera aamma pisiniarnissamut pilersaarutip suliarinera:  Pisiortortarnermut Kaajallaasitamut isertarfik
• Isumaqatigiissutinik tunniussisarneq pillugu kaajallaasitaq, ASA-mut isumaqatigiissutit takkuttut tunniunneqarneri pillugit aalajangersakkanik aalajangersaaneq: Isumaqatigiissutinik tunniussineq pillugu Kaajallaasitamut  isertarfik

Siunnersuineq:

Nalinginnaasumik pisiniarnermut tunngasut iluanni allaffik siunnersuisarpoq ilitsersuillunilu, matumani ilanngullugit

• Nanushop-imi atuisutut pilersitsineq atuinerlu
• Sinaakkusiussatut isumaqatigiissutit atorneri
• Neqerooruteqartitsinermik isumaqatigiissuteqarnermillu naammassinninneq

Tassunga atatillugu allaffik neqeroortitsinermut isumaqatigiissuteqarnermullu atugassanik ilusiliinermut najoqqutassanik arlalinnik suliaqarnikuuvoq.  Ilusiliinermut najoqqutassat ataani aaneqarsinnaapput.

Attavissaq:

Allaffik mailikkut attavigineqarsinnaavoq: indkoeb@nanoq.gl imaluunniit. oqarasuaammut: 34 55 64 (ulluinnarni 10-15)