Naalakkersuisut Qitiusumik Allaffeqarfianni taassumalu ataani immikkoortortaqarfinni illunik

ininillu attartortarnissat pillugit kaajallaasitaq ataasinngornermi 17. maj 2021 atuutilersoq
naapertorlugu suliassaqarfik malittarisassaliorneqarpoq. Naalakkersuisoqarfiit tamakkulu ataanni
immikkoortortaqarfiit taamaalillutik illunik ininillu attartornermut isumaqatigiissutinik
attartukkanullu tamanut kaajallaasitap atuutilinnginnerata siornatigut isumaqatigiissutaasimasunut
uppernarsaatinik ASA-mut tunniussinissaminnut pisussaatitaalerput. Tamanna aamma
attartornissamut isumaqatigiissutaareersunut atuuppoq.

Attartornermi isumaqatigiissutit uppernarsaatillu allat uunga nassiunneqassapput
lejemaal@nanoq.gl.

Naalakkersuisoqarfiit tamakkulu ataanni immikkoortortaqarfiit tamarmik illunik ininillu
attartorusukkunik, isumaqatigiissuteqartinnatik ASA-mut attaveqartassapput.

Attartornissat nutaat pillugit saaffiginnissutit uunga aamma saaffiginnissutigineqartassapput
lejemaal@nanoq.gl.