Aaqqissuussaasumik Pisiortortarnermut Allaffik 2018-imi atuuttussanik Kalaallit Nunaanni, Danmark-imi, Skandinavia-mi aamma Bruxelles-imi akunnittarfinnut isumaqatigiissusiorsimavoq. Island-imi isumaqatigiissuteqarunnaarpugut. Suleqatigiinnissamut isumaqatigiissutit Kalaallit Nunaanni Namminersorlutik Oqartussani Qitiusumik Allaffeqarfimmit taassumalu ataaniittut immikkoortortanit kiisalu suliffeqarfinnit namminersortitanit atorneqarsinnaapput. Isumaqatigiissutit Namminersorlutik Oqartussat suliffeqarfiutaannit imaluunniit inunnit ataasiakkaanit atorsinnaanngillat.

Una tooruk inernerit takuniarukkit akunnittarfimmut/unnuisarfimmut atuiner mut misissuinermi.

TAKUSSUTISSAQ

Nutaatut isumaqatigiissutit tamaasa ataatsimoortillugit Oversigt over hoteller 2018 (21.08.2018)katersorsimavavut, taakkunani akunnittarfinnut ataasiakkaanut akit aamma suleriaatsit takuneqarsinnaapput. Akikinnerpaaq malillugu akunnittarfiit tulleriiaarneqarnerat sukkasuumik paasisaqarfigiuk Oversigt Excel-fil 2018 (21.08.2018).

AKILIINEQ

Kalaallit Nunaanni aamma Danmarkimi akiligassiissut immikkoortortap akiliisussap GLN-normuanut nassiunneqassaaq. EQQAAMALLUGU inniminniinermi tamatigut immikkoortortap akiliisussap GLN-normuata ilisimatitsissutiginissaa. Inniminniinermi GLN-normua ilisimatitsissutigineqarsimanngippat, aallalernermi angalasoq aningaasanik akiliisinneqassaaq. Skandinavia-mi aamma nunat sinnerini, angalasoq aallalernermi aningaasanik akiliisinneqassaaq - angalanissamut siumoorutissat qinnutigineqarsinnaapput. Taamaanngippat Angalatitsivik aqqutigalugu inniminniisoqarsinnaavoq aamma akiliuteqarnikkut ikiorneqarnissaq qulakkeerlugu.

AJORNARTORSIUTIT

Inniminniinermi, kiffartuussinermi, akiligassiornermi il.il. ajornartorsiuteqartoqartillugu, qinnuigineqarpusi akunnittarfimmiitillusi tamanna ilisimatitsissutigissagissi, taamaaliornikkut ajornartorsiut piaarnerpaamik aaqqiivigineqarsinnaaqqullugu. Taamaanngippat indkoeb@nanoq.gl-mut attaveqarsinnaavusi, tamatuma kingorna akunnittarfimmi attaveqaaterput oqaloqatigisinnaavarput, taamaasilluni ajornartorsiutip siunissami uteqqiannginnissaa pinngitsoortinneqassaaq.

SALLIUSUSSAATITAANERIT AAMMA PISARIAQARTITSINEQ

Ataatsimeersuarnissaq il.il. pilersaarusiorneqassappat, indkoeb@nanoq.gl-mut attaveqarsinnaavusi, taava Namminersorlutik Oqartussani akunnittarfinnik suleqateqarnermut attaveqaatitsinnut paasissutissanik ikiuussinnaavugut. Ataasiakkaat kissaatigisaat pisariaqartitaallu ilisimanngilagut, taamaammat siumut isigisumik isumaqatigiissutinik kissaatigineqartunik tigusinissaq soqutigivarput, tassunga ilanngullugu illoqarfinnut, akunnittarfinnut, ullup qeqqasiornernut il.il. atatillugu.