Siunnersortit pisortaannik/siunnersortaanernik atorfinitsitsisarneq

Isumaqatigiissutit tullinnguuttut makku naapertorlugit Siunnersortit pisortaannik/siunnersortaanernik atorfinitsitsisoqarsinnaavoq:

• DSA-mik isumaqatigiissut, immikkut siunnersorti aamma siunnersortit pisortaa pillugit akissarsiat atorfinitsitsinermilu piumasaqaatit pillugit tapiliussaq
• Djøf-imik isumaqatigiissut, Namminersorlutik Oqartussani Kommuninilu siunnersortaanernut tapit pillugit tapiliussaq
• AK-Atorfillit pillugit isumaqatigiissut, Namminersorlutik Oqartussani Kommuninilu siunnersortaanernut akissarsiat atorfinitsinneqarnermilu piumasaqaatit pillugit tapiliussaq

Isumaqatigiissutit qulaani taaneqartut aallaavigalugit siunnersortit pisortaannik atorfinitsitsinermi Aningaasaqarnermut Sulisoqarnermullu Aqutsisoqarfiup sulisullu kattuffiata akornanni isumaqatigiinniarnissaq piumasaqaataavoq. Taamaammat illit aqutsisutut siunnersortit pisortaattut atorfimmut qinnuteqartumut atorfinitsitsinissamik neriorsuinnginnissat pingaaruteqarpoq, tassa qinnuteqartup piginnaasai sulinermilu misilittagai aallaavigalugit pinerit tamaasa immikkut isumaqatigiinniarluni atorfinitsitsisoqartarmat.

Atorfik inuttassarsiugaq

Siunnersortit pisortaannik atorfinitsitsisoqassappat atorfimmi inuttassarsiorneqartumi siunnersortit pisortaattut atorfinitsitsisoqarsinnaasoq toqqaannartumik allaqqassaaq, qinnuteqartorlu uppernarsarneqarsinnaasunik eqqortunik piginnaaneqassalluni. Atorfinnut inuttassarsiortarnitsinni malinneqartussamik imatut oqaaseqatigiiliortoqartassasoq siunnersuutigaarput:

”Qinnuteqartoq uppernarsarneqarsinnaasunik eqqortunik piginnaaneqarpat isumaqatigiissutit atuuttut naapertorlugit siunnersortit pisortaattut atorfinitsitsisoqarsinnaavoq” à Sulisoq ilinniagartooq ujartorneqanngippat oqaaseq siunnersortit pisortaat taarsiullugu oqaaseq siunnersortaaneq atorneqarsinnaavoq.

Siammasissumik inuttassarsioruit kinguneqarluartumik imatut oqaasertaliisinnaavutit:

”Qinnuteqartoq uppernarsarneqarsinnaasunik eqqortunik piginnaaneqarpat isumaqatigiissutit atuuttut naapertorlugit immikkut siunnersortitut imaluunniit siunnersortit pisortaattut atorfinitsitsisoqarsinnaavoq” à Sulisoq ilinniagartooq ujartorneqanngippat oqaaseq siunnersortit pisortaat taarsiullugu oqaaseq siunnersortaaneq atorneqarsinnaavoq.

Atorfimmik inuttassarsiuussineq Emply Hire aqqutigalugu ikkunneqassaaq, tassani immikkut imaluunniit siunnersortit pisortaattut atorfittut inuttassarsiuunneqarnersoq krydsilerneqassalluni. Atorfimmik inuttassarsiuussineq tamatuma kingorna Aningaasaqarnermut Sulisoqarnermullu Aqutsisoqarfimmi akuerineqaqqaassaaq inaarutaasumik inuttassarsiuunneqarnissaa sioqqullugu.

Akuersinissaq taanna piffissamut akuersiffiusussamut sunniuteqarsinnaavoq. Taamaalilluni atorfimmik inuttassarsiuinermik akuersiniarluni suliassamik suliarinninneq piffissaajaataasinnaavoq, tassami suliassat siunnersortit pisortaattut atorfilimmit isumagineqarsinnaanersut akuerineqartussaammata. Tamanna pillugu matuma ataani siunnersortit pisortaannik atorfinitsitsinissamut piumasaqaatit atuakkit.

Siunnersortit pisortaannik sulisussarsiornermi qinnuteqartoq tapinik tunineqarnissaminut naammaginartumik piginnaaneqanngitsutut Aningaasaqarnermut Sulisoqarnermullu Aqutsisoqarfimmit nalilerneqarsinnaavoq, tassa qinnuteqartoq siunnersortit pisortaattut atorfimmik qinnuteqarsimagaluarpalluunniit. Taamatut pisoqarnerata kingunerissavaa immikkoortumi aqutsisoq atorfimmik inuttassarsiuineq tunngavigalugu qinnuteqartumik atorfinitsitsisinnaanngitsoq, aatsaat atorfimmik inuttassarsiuinermi allaqqappat immikkut siunnersortitut imaluunniit AC-fuldmægtigitut aamma atorfinitsitsisoqarsinnaasoq atorfinitsitsisoqarsinnaassaaq.

Taamatut pisoqannginnissaa anguniarlugu sulisussarsiorluni allagarsiussaq allanngortinneqarsinnaavoq, soorlu "Immikkut siunnersortimik imaluunniit siunnersortit pisortaannik" sulisussarsiortoqarsinnaalluni. Taamatut atorfimmik inuttassarsiuussisoqartillugu Emply Hire-mi immikkut siunnersorti imaluunniit siunnersortit pisortaat krydsilerneqartassaaq. Aningaasaqarnermut Sulisoqarnermullu Aqutsisoqarfik naliliippat qinnuteqartoq siunnersortit pisortaattut tapiissuteqarsinnaanngitsoq, immikkoortumi aqutsisup qinnuteqartoq immikkut siunnersortitut atorfinitsissinnaavaa. Soorunalimi immikkut siunnersortitut atorfinitsitaanissamut piumasaqaatit naammassineqassapput. 

Siunnersortit pisortaannik atorfinitsitsinissamut piumasaqaatit

Siunnersortit pisortaattut atorfinitsitsisoqassappat qinnuteqartoq sulianik ilisimasalerujussuulluni immikkut ilisimasaqarnissaa piumasaqaataavoq. Immikkut ilisimasat aamma sulianik ilisimasaqarluarneq taaneqartut suliassaqarfimmi qinnuteqartup qinnuteqarfigisaani atorfimmini suliarisassaaniinnissaat oqaatigissallugu pingaaruteqarpoq. Qinnuteqartoq nalinginnaasumik suliassaqarfimmi sivikinnerpaamik ukiuni arfineq-marlunni sulereerluni aatsaat siunnersortit pisortaattut immikkut ilisimasaqalersimassasoq taamatullu atorfinitsinneqarsinnaanngussasoq Aningaasaqarnermut Sulisoqarnermullu Aqutsisoqarfimmit nalilerneqarpoq.

Immikkut ilisimasalerujussuunissap sulianillu ilisimasaqarluarnissap saniatigut atorfiup imarisaanut aamma immikkut ittunik piumasaqaateqartoqarpoq. Qinnuteqaat makkuninnga imaqassaaq:

• Suliassanik immikkut pitsaalluinnartunik isumaginninnerit
  • Tassunga ilanngullugu aalajangiisinnaassuseq
• Suliassaqarfinni tamani akuttunngitsumik ataqatigiissaarisarnerit
  • Assersuutigalugu suliniutinik aqutsinerit
• Suliassat aqutsisunut tunngasut
  • Matumani ilanngullugit siunnersuineq kiisalu qaffasinnerusutut aqutsisunut suliassanut nassuiaasiorneq ineriartortitsinerlu.

Siunnersortit pisortaannik akissaasersuinerit

Qinnuteqartoq DSA-mik isumaqatigiissut naapertorlugu siunnersortit pisortaattut atorfinitsinneqarpat, taava siunnersortit pisortaattut taaguuteqalissaaq aamma siunnersortit pisortaannut tapit qaammammut 6.250,00 kr.-t ilanngunneqartassallutik (ukiumut 75.000,00). Isumaqatigiissummi § 6 naapertorlugu siunnersortit pisortaat immikkut atorfeqarnermini tapisiaqarsinnaanngilaq.

Djøf-mik isumaqatigiissut naapertorlugu qinnuteqartoq siunnersortit pisortaattut atorfinitsinneqarpat, taava siunnersortit pisortaattut taaguuteqalissaaq aamma siunnersortit pisortaannut tapit qaammammut 6.340,67 kr.-t ilanngunneqartassallutik (ukiumut 76.088,00). Isumaqatigiissummi § 6 naapertorlugu siunnersortit pisortaat immikkut atorfeqarnermini tapisiaqarsinnaanngilaq.

AK-Atorfillit pillugit isumaqatigiissut, Namminersorlutik Oqartussani Kommuninilu siunnersortaanernut akissarsiat atorfinitsinneqarnermilu piumasaqaatit pillugit tapiliussaq naapertorlugu qinnuteqartoq siunnersortaanertut atorfinitsinneqarpat, taava siunnersortaanertut taaguuteqalissaaq aamma siunnersortaanermut tapit qaammammut 5.250,00 kr.-t ilanngunneqartassallutik (ukiumut 63.000,00). Siunnersortaanernut suliartoqquneqariataarsinnaanermut tapit ukiup sisamararterutaanut akunnerit 52 tikillugit qaangiuttoornernut atuupput. Isumaqatigiissummi § 16 naapertorlugu siunnersortaaneq immikkut atorfeqarnini pissutigalugu tapisisinnaanngilaq.

Inummut tapit

DSA-mik isumaqatigiissut, immikkut siunnersorti aamma siunnersortit pisortaat pillugit akissarsiat atorfinitsitsinermilu piumasaqaatit pillugit tapiliussaq, § 3, imm. 4-mi immikkut ittumik pisoqartillugu siunnersortit pisortaannut inuttut tapit isumaqatiginninniutigineqarsinnaapput. Inummut tapit qaqutiguinnaq atorneqartarput, tamanna inuup immikkut illuinnartumik pikkorissuseqarnissaanik piginnaaneqarnissaanillu piumasaqaatitaqarmat.

Djøf-imik isumaqatigiissut, Namminersorlutik Oqartussani Kommuninilu siunnersortaanernut tapit pillugit tapiliussami § 3, imm. 2 naapertorlugu immikkut ittumik pisoqartillugu siunnersortit pisortaannut inuttut tapit isumaqatiginninniutigineqarsinnaapput. Inummut tapit qaqutiguinnaq atorneqartarput, tamanna inuup immikkut illuinnartumik pikkorissuseqarnissaanik piginnaaneqarnissaanillu piumasaqaatitaqarmat.

 [SA1]Indsæt link til siden om specialkonsulenter

 [SA2]Indsæt link

 [BS3]Indsæt link til siden om specialkonsulenter

 [LR4]Indsæt link

 [BS5]Indsæt link til siden om specialkonsulenter

 [SA6]Indsæt link til siden om specialkonsulenter