Namminersorlutik Oqartussat sinnerlugit Aningaasaqarnermut Sulisoqarnermullu Aqutsisoqarfik atorfinitsitsillunilu, akissarsiassanik inissiillunilu isumaqatigiissusiortarpoq.

Sulisumik nutaamik atorfinitsitsiniarluni immikkoortortaq taamaattumik immersuiffissap "Atorfinitsitsinissamut inassuteqaat", atorfik inuttassarsiugaq, qinnuteqartup qinnuteqaataa aamma CV-ia kiisalu siusinnerusukkut atorfeqarsimaneranut uppernarsaat (assersuutigalugu akissarsiat allagartai imaluunniit sulisitsisup oqaaseqaatai) nassiunnerisigut atorfinitsitsinissamut innersuussuteqassaaq. Misilittakkat uppernarsarneqarsimasunut taamaallaat qanoq sivisutigisumik akissarsiatigut inissiisoqarsinnaavoq taannalu akissarsiat inissinnerini ilanngullugu naatsorsuutigisassatut nassiunneqassalluni. Uppernarsaammik pissarsinissaq ajornarpat ilumoorluinnarluni nalunaarneq atorneqarsinnaavoq.

Pisortanik, immikkut aamma siunnersortit pisortaannik atorfinitsitsinerni suli allanik najoqqutassaqarpoq.

Malugiuk lærlinginik/ilinniartunik atorfinitsitsinerni immikkut immersuiffissap "Lærlingit/ilinniartut - Atorfinitsinnissaannut inassuteqaat"-ip atorneqarnissaa.

Ataaniittumi atorfinitsitsinissamut inassuteqaammi, ilumoorluinnarluni nalunaarummi immersuiffissat aamma atorfinitsitsineq pillugu kaajallaasitaq pissarsiarisinnaavatit.