Nakorsamiit uppernarsaat

Suleqatigiinneq illuatungeriinnut artukkiisumik isumaqatigiissutaavoq – tassa imaappoq, atorfilik sulinissa-minut piareersimasussaavoq, sulisitsisullu suliassap suliarineqarneranut taarsiissutitut akissarsianik akiliis-saaq.

Atorfiliup sulinissaminut pisussaaffini naammassinngippagu, nappaateqarneq pissutigalugu, sulisitsisup piumasarisinnaava nakorsamiit napparsimanermut uppernarsaammik tunniussinissaa.


Nakorsamit napparsimanermut uppernarsaatit pillugit maleruagassat taamaalillutik isumaqatigiissuteqar-nermi inatsimmeerlutillu aqutsinermi inatsimmeersuupput.


Nakorsap sulisup suna nappaatigineraa pillugu allaaseqaqqusaanngilaq, aamma sulisitsisup sulisup suna nappaatigineraa apeqqutigisinnaanngilaa.


Atorfillit pillugit inatsimmi nassuiaammi § 7, imm. 1-imi ilaatigut ima allassimasoqarpoq:

  • Sulisartut sulinngikkallarnerminni pisussaaffii pillugit maleruaqqusat nalinginnaasut malillugit ator-filiup sulinnginnissani pillugu sulisitsisuni piaarnerpaamik nalunaarfigisussaavaa.
  • Atorfiliup napparsimanini peqqutissaqavissumik sulinngitsoornertut akueritissaguniuk, napparsi-malluni suliartunnginnissani piaarnerpaamik sulisitsisuminut nalunaarutigissavaa. Atorfiliup nappar-simanini nalunaarutiginngikkuniuk, aamma atorfilik tamatuminnga nalunaaruteqarnissamut akor-nutissaqarsimanngippat, pissutissaqavinngitsumik sulinngitsoornerussaaq. Taama pisoqartillugu sulisitsisoq soraarsitsisinnaavoq imaluunniit qanoq pisoqarnera aallaavigalugu sulisitsisup atorfilik suliffimmit peersissinnaavaa.
  • Isumaqatigiissuteqanngikkaluaraanniluunniit napparsimaneq ullunik arlalinnik sivisussuseqarpat, sulisitsisup atorfilik piumasaqarfigisinnaavaa nakorsamiit napparsimanermut uppernarsaammik tunniusseqqullugu. Sulisitsisup aalajangersinnaavaa, qaqugukkut napparsimanermik nalunaarut tunniunneqassanersoq.


Sulisitsisoq tassaavoq sulisumik nakorsamiit napparsimanermut uppernarsaammik, sulisup nappaateqarne-ranik uppernarsaasumik, tunniusseqqullugu qinnuteqarsinnaasoq. Qinnuteqaallu taanna allakkatigut pis-saaq. Taamaaliortoqassaaq sulisup uppernarsaat nakorsamut takutissinnaaqqullugu, aamma sulisitsisup qinnuteqarsimaneranut uppernarsaatissaqartinniarlugu.

Tamatuma kingorna sulisoq piaarnerpaamik nakorsamut saaffiginnissaaq, nakorsamut napparsimanermut uppernarsaammik qinnuteqarluni.


Sulisitsisup sulisoq nakorsamiit napparsimanermut uppernarsaammik qinnuteqartillugu, taava taassumun-nga aningaasartuut aamma sulisitsisumit akilerneqassaaq.

Sulisup ingerlaannaq akiliinissaa nakorsap piumasarippagu, taava sulisup akiliutip allagartaa piumassavaa, taamaalilluni aningaasat sulisitsisumiit sulisumut utertinneqarniassammata.