Sulisoq qanigisap perulunnerani aamma/imaluunniit toqunerani ilisaaneranilu akiliunneqarluni angalasinnaatitaallunilu akissarsiaqarluni sulinngiffeqarsinnaatitaavoq. Sulinermik inuussutissarsiuteqartoq uku piumasaqaatit sisamat tamarmik naammassineqarsimappata akissarsiaqaatigaluni akiliunneqarluni feeriarsinnaatitaallunilu akiliunneqarluni sulinngiffeqarsinnaatitaavoq:

1. Atorfilik Namminersorlutik Oqartussani imaluunniit Kalaallit Nunaanni kommunimi tjenestemandiuppat, imaluunniit isumaqatigiissutip ataaniippat isumaqatigiissummut innersuussisumi

• Kikkut tamarmik ilaapput qulakkeerniarluguli isumaqatigiissut atuaruk

2. Tassani pineqarput qanigisatut ilaquttat

• Qanigisatut ilaquttat tassaapput: angajoqqaat, aapparisaq inooqatigisarluunniit, meeqqat qatanngutillu_.
• Aapparisavit imaluunniit inooqatigisavit ilaqutai tassani ilaatiinneqanngillat

3. Nakorsap uppernarsaataa pigineqarpat, tassani takuneqarsinnaassaaq, napparsimanermi ilaqutaasut pisarnertut aggersarneqartut

• Nakorsap uppernarsaataa aallarnissaq sioqqullugu takutinneqassaaq. Tamanna ajornarpat nakorsap uppernarsaataa angerlamut tikinnerup kingorna ingerlaannaq takutinneqassaaq. Ilaquttap qanigisap toqunera pineqarpat toqusup allagartaata assilerinera qaammat ataaseq qaangiutsinnagu uunga nassiunneqassaaq [personale@nanoq.gl](mailto:personale@nanoq.gl)
• Nakorsap uppernarsaataanik atorsinnaasumik peqartoqanngippat akissarsiallip akissarsiani angalanermilu aningaasartuutit utertillugit akilissavai. Nakorsap uppernarsaataa qanigisatut ilaquttap ilungersunartumik sumik nappaateqarnera pillugu paasissutissanik imaqassaaq

4. Nappaat ilungersunartoq aamma/imaluunniit ilisineq matumani pineqarpoq

• Nappaatit ilungersunartut pillugit allattukkat qupperneq 10-mi uani takukkit: Nanuaraq
• Taagorneqartut taakkunannga killilerneqanngillat. Nalornissuteqaruit taamaattumik pisortat oqaloqatigiuk.

Piumasaqaatit tamarmik naammassineqarsimappata:

Akissarsiallip qinnuteqaatini pisortaminut nassiutissavaa. Piumasaqaatit naammassineqarsimanersut pisortat nalilissavaat. Ilitsersuinissamut Aningaasaqarnermut Sulisoqarnermullu Aqutsisoqarfik piareersimassaaq.

Piumasaqaatit tamarmik naammassineqarsimasut aqutsisut naliliippata akissarsialik akiliunneqarluni angalanissamut akiliunneqarlunilu sulinngiffeqarallarnissamut pisinnaatitaaffeqarpoq. Atorfeqartup suliffigisaani nunaqarfimmi/illoqarfimmi napparsimaneq aamma/imaluunniit toqusoq ilisinerlu ingerlanneqarpata taamaallaat akissarsiaqaatigaluni sulinngiffeqarnissaq aningaaliissutigineqassaaq.

Ilungersunartumik napparsimasoqarnerani ulluni arfineq pingasuni akissarsiaqaatigaluni sulinngiffeqarallarnissaq akuersissutigineqarsinnaavoq. Qanigisatut ilaqutaasoq ullut arfineq pingasut iluanni toqukkut qimaguppat, atorfilik qanigisatut ilaquttamini najuunnerani, akissarsiaqarluni sulinngiffeqarneq ullunik 14-inik piffissaq sivitsorneqassaaq. Ullunut arfineq pingasunut piffissap oqaatigineqartup avataani qanigisatut ilaqutaasoq toqukkut qimaguppat, tassunga qanigisaasoq akiliullugu angalatinneqassaaq aamma akissarsiaqarluni ulluni arfineq pingasuni sulinngiffeqassaaq.

Itinerusumik nassuiaatit uani takukkit: “Ilaquttat qanigisat napparsimanerini aamma/imaluunniit toqunerini ilisaanerilu ilitsersuut”: Nanuaraq