Immikkut ittumut atorfeqarnermut tapip - qitiusumik isumaqatigiissutigineqarnera

Suliassanut immikkut ittunut tapit aallaaviatigut akissarsianik isumaqatiginninniartartut akornanni isumaqatigininniutigineqartussaapput. Taamaammat illit sulisitsisutut suleqatip immikkut tapeqartinnissaa qularnaarsinnaanngilat, tassa tamanna suliassat, qinnuteqartup CV-a kiisalu akissarsianut isumaqatiginninniartut akuersinerisigut tamanna tunngaveqartussaammat.    Isumaqatigiissutini ataasiakkaani qitiusoqarfiunngitsumi immikkut atorfimmut  tapeqartitsinissamut isumaqatiginninniutigineqarsinnaavoq,akissarsianut isumaqatigiissummi taamaattoqarsinnaanera toqqaannartumik allassimassaaq. 

Immikkut ittumik atorfimmut tapit aatsaat tunniunneqarsinnaallersarput  Aningaasaqarnermut Sulisoqarnermullu Aqutsisoqarfimmut inassuteqaatip nassiunneraniit qaammat ataaseq qaangiukkaangat.

Immikkut ittumik atorfimmut tapinik sulisumut tunniussinissamut piumasaqaatit

Tapit immikkut ittunut atorfilinnut isumaqatiginninniutigineqarsinnaapput sulisumut immikkut ittunut piukkunnarsarsimasumut, suliassanut naliginnaasumik taamannak atorfeqartumut naatsorsuutaanngitsunik suliaqartartumut. 

Immikkut ittumut atorfeqarnermut tapit sulilerlaamut aamma sulereersunut tunniunneqarsinnaapput. 

Immikkut ittunut atorfeqarnermut innersuut

Innersuut makkuninga imaqassaaq:

• Sulisoq pillugu paasissutissat
  • Atit tamarmik
  • Ulloq inunngorfik
  • Atorfeqarfik
    • Piffissaq atorfiniffiusoq
  • Ilinniakkap taaguutaa
  • Isumaqatigiissutit
• Tapip annertussusaa
• Tapip ulloq tunniunneqarfissaa (maluginiarneqassaaq tapi kingumoortumik tunniunneqarsinnaanngimmat)
• Ataavartumik killilimmilluunniit tapiua? Killilimmik tunniussassaappata ulloq tunniussivissaq kingulleq allakkatigut nalunaarsorsimassaaq
• Sulisup immikkut atorfimmut tapeqartinnissaanut qitiusoqarfimmiunngitsumit isumaqatiginninniutiginissaanut nassuiaat

Isumaqatigiissut aqutsisumit atsiorneqarsimassaaq. Allakkiami allaqqassaaq qanga allakkiaq suliarineqarlunilu atsiorneqarsimanersoq.

Aqutsisumit inassutip saniatigut allakkiat uku aamma nassiunneqassapput:

• Sulisup allagartai ilinniarsimasaannut suliffigisimasaannullu tungassuteqartut nutartikkat
• Atorfiup suliallu allaaserineri
• Akissarsiat allagartaat kingulliit (kommuniminngaanneertunut taamaallaat atuuppoq)

Isumaqatigiissutip atsiornera pappilissallu allat una aqqutigalugu nassiunneqassapput www.asa.gl/siunnersuineq.