Atorfimmut immikkut ittumut tapinik najugarisaq qimannagu isumaqatiginninniarnerit

Atorfimmut immikkut ittumut tapit pillugit isumaqatiginninniartarnerit aallaavittut qitiusumik pisarput, isumaqatigiissutini atorfimmut immikkut ittumut tapinik najugarisaq qimannagu isumaqatiginninniarnissamut inatsisitigut tunngavissaqanngippat. Isumaqatigiissutit naapertorlugit najugarisaq qimannagu isumaqatiginninniarnissamut periarfissaqanngippat atorfimmut immikkut ittumut tapit pillugit qitiusumik isumaqatiginninniarnerit uani atuarsinnaavatit.   

Tullinnguuttut tassaapput atorfimmut immikkut ittumut tapit pillugit najugarisaq qimannagu isumaqatiginninniarnissanut periarfissat allattorsimaffiat tamakkiisoq:

• DSA-mik isumaqatigiissut, § 6-imi tapit atuuffii pillugit tapiliussaq takuuk à Amerlanerpaanik qaammammut 3.000 kr.
• Djøf-imik isumaqatigiissut, § 6-imi tapit atuuffii pillugit tapiliussaq takuuk à Amerlanerpaanik qaammammut 3.000 kr.
• Bioanalytikerit nakorsaaserisullu, § 10 à qaammammut amerlanerpaanik 2.500 kr.
• Pillorissaasut, § 10 à qaammammut amerlanerpaanik 2.500 kr.
• Timimik sungiusaaasut, § 10 à qaammammut amerlanerpaanik 2.500 kr.
• Ernisissiortut, § 10 à qaammammut amerlanerpaanik 2.500 kr.
• konomat, napparsimasunut nerisassiortut aamma inuussutissani peqqinnissamilu sulinermi bachelorit, § 10 à qaammammut amerlanerpaanik 2.500 kr.
• Peqqinnissamut assistentit, § 10 à qaammammut amerlanerpaanik 2.500 kr.
• Peqqissaasut qinnguartaasartullu, § 13 à qaammammut amerlanerpaanik 2.500 kr.

Tassa imaappoq tapit pillugit najugarisaq qimannagu isumaqatiginninniarnerni sulisup sulisitsisuata aamma sulisup isumaqatigiissutaatai naapertorlugit kattuffik isumaqatiginninniarsinnaatitaasup akornanni isumaqatiginninniartoqartoq.

Atorfimmut immikkut ittumut tapit pillugit najugarisaq qimannagu isumaqatiginninniarnerni allakkiortoqassaaq taannalu sulisup aqutsisuanit aamma najukkami sinniisup atsiussavaat. Immikkoortortaqarfik najugarisami sinniisoqanngippat allakkiaq suliarineqarsimasoq sulinermik kattuffiup sinniisuuneranut nassiunneqarsinnaavoq.

Atorfimmut immikkut ittumut tapit isumaqatiginninniutigineqarsimasut allakkiartaat aqutsisumit aamma sinniisumit atsiorneqarnerisa kingorna siusinnerpaamik qaammatip ulluisa aallaqqaataanni tunniunneqarsinnaapput. Taamaattumik kingumoortumik tunniussisoqarsinnaanngilaq.

Atorfimmut immikkut ittumut taamaallaat tapisisoqarsinnaavoq.

Immikkut Djøf-imik aamma DSA-mik isumaqatigiissutit pillugit

DSA-mik isumaqatigiissutinut tunngatillugu sinniisut ikittuinnaapput taamaattumillu DSA-p aamma Djøf-ip akornanni DSA-mi atorfilinnut atorfimmut immikkut ittumut tapit pillugit isumaqatigiissutit Djøf-imi sinniisumit aamma atsiorneqarsinnaasut isumaqatigiissutigineqarsimavoq.

Atorfimmut immikkut ittumut tapinik sulisunut tunniussinissanut piumasaqaatit

Atorfimmut immikkut ittumut tapit sulisunut immikkut ittunik piginnaanilinnut atorfimmi taamatut ittumi sulisunut nalinginnaasumik naatsorsuutigineqartut saniatigut suliassanik isumaginnittunut tunniunneqarsinnaapput.

Atorfimmut immikkut ittumut tapit atorfinitsitsinerni aamma sulisooreersunut tunniunneqarsinnaapput.

Atorfimmut immikkut ittumut tapit najugarisaq qimannagu isumaqatiginninniutigineqartut pillugit isumaqatigiissut

Isumaqatigiissutit pillugit allakkiaq tullinnguuttunik makkuninnga imaqassaaq:

• Sulisoq pillugu paasissutissat
  • Atit tamaasa
  • Ulloq inunngorfik
  • Atorfeqarfik
  • Atorfeqarfik
  • Ilinniakkap taaguutaa
  • Isumaqatigiissutit
• Tapiissutit amerlassusiat
• Ulloq tapit tunniunneqarfiat (tapit kingumoortumik tunniunneqarsinnaanngitsut eqqumaffigiuk)
• Ataavartumik imaluunniit piffissamik killilikkamik tapeqartoqassava? Piffissamik killilikkamik tapit tunniunneqartassappata allakkiami ulloq kingulleq qaquguussanersoq paasissutissiissutigineqassaaq
• Sulisoq sooq atorfimmut immikkut ittumut tapinik najugarisaq qimannagu isumaqatiginninniarnerit malitsigisaannik tapinik pisartaqarnissaanik allaaserinninneq

Isumaqatigiissut sinniisumit aqutsisumillu atsiorneqassaaq. Allakkiami allakkiaq qanga suliarineqarsimanersoq atsiorneqarsimanersorlu allassimassaaq.

Isumaqatigiissut atsiorneqarsimasoq immikkoortortaqarfimmut akissarsisitsisartumut nassiunneqassaaq. Namminersorlutik Oqartussani qitiusumik allaffeqarfimmut, taassuma ataani immikkoortortanut aamma peqqinnissaqarfimmut tunngatillugit isumaqatigiissut uunga nassiunneqassaaq personale@nanoq.gl.