Suliartoqquneqaratarsinnaanermut tapip - isumaqatigiinninniassutigineqarnera 

Kalaallit akissarsiat pillugit isumaqatigiissutaasa arlallit iluaneereerput sulisup suliartoqquneqaratarsinnaanermut tapit qaammammut imaluunniit qaammatinut pingasunut akunnerit x-it aggeqqusaalluni suliartoqqoratarsinnaanermut tunngasut.  Tamanna pingaartumik allaffissornerup iluani atuuppoq. 

Isumaqatigiissutit allat suliartoqquneratarsinnaanermut tapinut isumaqatiginninniarnissamut tunngaveqartarput.  Tamatumunnga assersuutiginearsinnaavoq Naalakkersuisut, Akileraartarnermut ministeriaqarfik aammalu Sulinermik Inuussutissarsiuteqartut Kattuffiata akornanni Inuussutissalerinermi ilinniagallit pillugit §15 isumaqatigiissutaat tunngavigalugu aaliangersakkat: 

"Atorfinni sulisup qaanngiuttoorneri nakkutigineqarsinnaanngitsunut imaluunniit nakkutigissallugit ajornakusoortunut qaangiuttoornerinut §-ini 11-mi 13-milu pissarsiarineqarsinnaasunut taarsiullugu suliartoqquneqaratarsinnaanermut tapisiaqartitsisoqassaaq, taakku angissusissaat isumaqatigiinniarlutik illuatungeriit akornanni isumaqatigiinniarnikkut aalajangerneqassapput."

Sulisitsisup kissaatigippagu suliartoqquneqaratarsinnaanermut tapimik suliartoqquneqaratarsinnaanermullu pisussaaffimmik sulisoq tapisiaqanngitsoq tunineqassasoq innersuussaq una atorlugu nassiunneqassaaq www. asa.gl/siunersuineq, suliartoqquneqaratarsinnaanermut tapip isumaqatiginninniutigisinnaaneranik innersuussisoqartoq allallugu. 

Nalilersuinissamut tunngatillugu suliaqquneqaratarsinnaanermut tapinik qinnuteqarnermut tunngaviusoq naatsumik allaaserineqassaaq, matumanilu sooq taama qaangiuttoornerit aqukkuminaatsiginerat ilanngullugu naassuiarneqassalluni.  Tamakku saniatigut makku isummerfigineqassapput:

• Suliartoqquneqaratarsinnaanermut tapit aallartinneri (tapit aallaaviatigut kingumoortumik tunniunneqarsinnaanngillat)
• Suliartoqquneqaratarsinnaanermut tapit annertussusaat
• Suliartoqquneqaratarsinnaanermut pisussaaffik
• Naatsorsueriaatsit

Aningaasartaasa amerlassusaat suliartoqquneqaratarsinnaanerup annertussusaanut naapertuutissaaq, taamaalilluni akunnerit sulineruffissatut naatsorsuunneqartunut naapertuutissallutik.  Nunatsinni isumaqatigiissutit ilaat soorlu Naalakkersuisut Nunatsinnilu Perorsaasut Kattuffiat isumaqatigiissusiornikuupput, perorsaasut ullukkut paaqqinnittarfinni aammalu ulloq unnuarlu paaqqinnittarfinni sulisut suliartoqquneqaratarsinnaanermut pisussaaffimmut  tapeqartitsinissamut tunngasumik, tassani suliaqquneqaratarsinnaanermut pisussaaffik suunersoq apeqqutaalluni suliartoqquneqaratarsinnaanermut tapit suunersut takuneqarsinnaapput. 

Isumaqatigiissusiornermi naatsorsueriaaseq ilanngullugu isumaqatiginninniarnermi aamma isummerfigineqartussaavoq.  Qaammammut imaluunniit qaammatit pingasukkaarlugit naatsorsuineq nalinginnaanerpaavoq. Naatsorsueriaaseq alla atorneqarsinnaavoq sulisup atorfeqarneranut atungassarititat tunngavigalugit. 

Suliartoqqusaariataarsinnaanermut pisussaaffik pilersaarusiorlugit qaangiuttoorluni sulinissanut atorneqarsinnaanngilaq, taamaallaallu sulisup sulinerusunissamut nakkutigineqarsinnaanngitsumut suliartoqqusaanissaanut akissarsiaannaallutik.

Pisortat pillugit immikkut

Suliffimmi pisortanut allanik maleruagassaqarpoq. Sulifimmi pisortatut isumaqatigiissusiorsimagaanni suliartoqquneqaratarsinnaanermut tapeqanngilaq taamaattoq suliartoqqusaaratarsinnaanermut pisussaaffittaqarluni. Pisortat suliaqquneqaratarsinnaanerannut aalajangersakkat Namminersorlutik Oqartussat Kalaallillu Nunaanni kommunit ataanni allaffissornermi pisortat, § 3, akissarsiaat atorfeqartitaanerannullu atungassarititat pillugit Naalakkersuisut aamma Akademikernes Sammenslutning Grønland (ASG) isumaqatigiissutaat malinneqarput.

• 3, imm. 1: ASG-ip isumaqatigiissutaani sulinerunermi ajunngitsorsiassat pillugit aalajangersakkat aamma ullut sulinngiffeqarfissaraluit annaasat pillugit ajunngitsorsiassat pillugit aalajangersakkat atorfinnut akissaateqarfimmi 37-miittunut imaluunniit taanna qummut qaangerlugu atuutinngillat.

• 3, imm. 2: Atorfinnut isumaqatigiissut naapertorlugu akissaateqarfimmi 35-mi aamma 36-miittunut inissisimasunut atuuttoq tassaavoq, ulluinnarni, sapaatini nalliuttunilu sulinerunermut atatillugu akissarsiassaqarsinnaaneq malittarisassat sukkulluunniit atuuttut malillugit pisarpoq. Akissaateqarfimmi 35-mi atorfillit ukiumut nal. akunerini 280-ini suliartoqquneqaratarsinnaanermut pisussaaffeqarput akissaateqarfimmilu 36-mi atorfillit ukiumut nal. akunerini 320-ni suliartoqquneqaratarsinnaanermut pisussaaffeqarlutik.

Isumaqatigiissumminngaanniit isumaqatigiissummut malittarisassat assigiinngitsuusarmata aqutsiup sulisullu ataasiakkaanut atorfeqarnermut atungassarititanik atuuttunik misissuilluartarnissaat pingaaruteqarpoq.